23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Türkiyənin qadağası Ermənistanda narahatlıq yaradıb
Tarix: 04-08-2021 14:17 | Bölmə: Slayd
Türkiyənin qadağası Ermənistanda narahatlıq yaradıb

2020-ci ilin sentyabr ayından etibarən Türkiyə Ermənistanda qeydiyyatda olan təyyarələrin hava sahəsinə girməsini qadağan edib.

Reyting.az
xəbər verir ki, bu barədə Ermənistanın Hetq.am saytı yazıb.

Nəşrin yazdığına görə, Ermənistanda qeydiyyata olan bütün mülki təyyarələrdə ICAO tərəfindən təsdiq edilən Ermənistanın milli nişanı - EK var. Üstəlik, dövlətin hərbi olmayan təyyarələrində “Ermənistan” və ya “Ermənistan Respublikası” yazılır.

Avqustun 2-nə olan məlumata görə, Ermənistanda 19 mülki təyyarə və 1 hökumət təyyarəsi qeydə alınıb.

Mülki Aviasiya Komitəsinin iddiasına görə, Türkiyənin Ermənistan qeydiyyatlı (EC) təyyarələrin hava sahəsinə girməsinin qadağan olunması ilə əlaqədar heç bir aviasiya məlumatı dərc etməyib.

Başqa bir iddiada bildirilir ki, 9 sentyabr 2020-ci ildən Türkiyə hava məkanı vasitəsilə Ermənistanda qeydiyyatdan keçən təyyarələrin uçuşları qadağan edilib. Başqa sözlə, Türkiyə sentyabrın 9-dan etibarən tək Ermənistanın quru sərhədini bağlamayıb, eyni zamanda hava məkanını da qapadıb.

Erməni nəşri qeyd edir ki, qadağa Ermənistan təyyarələrini idarə edən şirkətlərin öz hava məkanından uçmaq istəklərini rədd etməsindən sonra məlum olub. İlk imtina 9 sentyabrda, daha sonra həmin ayın 18, 25-də, daha sonra 19 və 23 mart 2021 -ci ildə tətbiq edilib.

Ermənilər düşünür ki, beynəlxalq səviyyədə tanınmış prosedurlara uyğun olaraq, hava məkanının istifadəsinə qoyulan qadağalar və ya məhdudiyyətlər haqqında məlumatlar ölkənin aviasiya məlumat paketində dərc olunmalıdır.

Ermənistan Mülki Aviasiya Komitəsi bildirir ki, Türkiyə sonuncu dəfə 29 avqust 2020-ci ildə bir erməni mülki təyyarəsinin uçmasına icazə verib və bundan sonra bütün istəklər rədd edilib.

Ermənistanın yeganə dövlət təyyarəsinə gəldikdə, erməni tərəfi bildirir ki, keçən il iyulun 24-də Türkiyə bu təyyarənin texniki tranzit uçuşundan imtina edib və bu presedentdən sonra Ermənistan Respublikasının dövlət idarə heyətinin Türkiyənin hava məkanı üzərindən uçuşları artıq planlaşdırılmır. 2020-ci ildən etibarən Ermənistan Dövlət Hava Limanı digər ölkələrə Türkiyənin hava məkanı ətrafından uçur.

Məqalədə qeyd edilir ki, Ermənistan və Azərbaycan təyyarələri (4K) bir-birinin səmasına girmir, lakin iki ölkənin aviasiya rəhbərliyi hava məkanından istifadədə bir-birinə heç bir məhdudiyyət qoymayıb. Xatırladılır ki, hava yollarının seçimi təyyarə operatorlarının üzərinə düşür. Yəni, aviaşirkətlər hər uçuşun marşrutunu müəyyənləşdirirlər.

İddia olunur ki, Azərbaycanda qeydiyyata alınmış təyyarələr 2014-cü ildən bəri Ermənistan səmalarında uçmayıb və erməni təyyarələri də bu ölkənin hava məkanından istifadə etmir.




Bölməyə aid digər xəbərlər
{sape_links}{sape_article}