Rusiyanın Ukraynaya hücum planı pozulub
Tarix: 12-01-2022 14:32 | Bölmə: Slayd
Rusiyanın Ukraynaya hücum planı pozulub

ABŞ rəsmiləri Rusiyada qışın mülayim keçməsi ilə Putinin Ukraynanı işğal planlarının iflasa uğradığını iddia edirlər. Rəsmilər həmçinin ABŞ prezidenti Baydenin meteoroloqlardan ibarət bir qrup yaratdığını və ərazini yaxından izlədiyini də bildirirlər.

Reyting.az
xatırladır ki, Rusiyanın Ukrayna sərhədinə 100 mindən çox əsgər və ağır texnika yığması ilə başlayan gərginlik davam edir. Rusiya əməliyyat planlarının olmadığını, toparlamanın təhlükəsizlik məqsədi daşıdığını desə də, bu addım ABŞ və Avropada işğala hazırlıq kimi qiymətləndirilir.

Hərbi analitiklər Rusiyanın ağır texnikanın soyuq qış şəraitində və buz üzərində daha rahat hərəkət etdiyinə diqqət çəkərək, mümkün işğalın yanvar ayında ola biləcəyini açıqlayıb. NATO və Ukrayna da bu tarixə uyğun olaraq hazırlıqlarını görürlər, amma görünür yeni bir hadisə Rusiyanın planlarını alt-üst edib.

Adı açıqlanmayan ABŞ rəsmiləri, mövsümi şərtlərlə müqayisədə daha mülayim havanın yanvar ayında işğal ehtimalını azaltdığını iddia edirlər. Bildirilir ki, qışın isti keçməsi Kremlin işğal planını ən azı fevral ayına qədər təxirə salacaq.

ABŞ rəsmisi “New York Times” qəzetinə deyib ki, ABŞ administrasiyası mümkün hücum üçün Ukraynanın hava şəraitinə yaxından baxmaq üçün meteoroloqlar qrupuna tapşırıq verib. C. Bayden meteoroloqlara mülayim qışın V. Putinin planlarını pozmasından sonra Rusiyanın mümkün işğalını proqnozlaşdırmağı tapşırıb.

Bir neçə gün əvvəl sərhəddə olmuş reportyorlar cəbhə xəttinə yaxın geniş ərazilərin hələ də palçıqlı bataqlıq kimi göründüyünü bildiriblər. Hesabatlar yüksək səviyyəli ABŞ və Rusiya diplomatlarının bazar ertəsi Cenevrədə çoxdan gözlənilən danışıqlarından sonra ortaya çıxıb.

Yanvarın 10-da Avropanın Rusiya və ABŞ arasında Cenevrə danışıqları başlayıb. Birləşmiş Ştatlar Şərqi Avropa ölkələrinin NATO-ya üzv olmasının qarşısını almaq ideyasını müzakirə etməkdən imtina etdikdə danışıqlar dalana dirənib. Rusiyanın baş müzakirəçisi o qədər də optimist olmayıb və danışıqları “ümidsiz” adlandırıb.





Bölməyə aid digər xəbərlər
{sape_links}{sape_article}