Neft ixracına təhlükə yaranıb
Tarix: 02-12-2022 13:33 | Bölmə: Slayd
Neft ixracına təhlükə yaranıb

Rusiya-Ukrayna müharibəsinin başlamasından 9 ay keçdikdən sonra Türkiyə boğazları müzakirə predmetinə çevrilib.

Reyting.az
xatırladır ki, mart ayından etibarən Türkiyə Rusiyanın hərbi gəmilərinin Qara dənizə girişinə qadağa qoyub. Ötən müddətdə Qara dənizdə vəziyyət hələ stabilləşmədiyi üçün Türkiyə öz təhlükəsizliyini nəzərə alaraq belə bir təcrübəni sınaqdan keçirir.

Buna əsasən, 1 dekabr 2022-ci il tarixindən etibarən İstanbul və Çanaqqala boğazlarından keçəcək ticarət gəmilərindən uzadılmış “P&I” sığortası tələb ediləcəyi açıqlanıb. Bu məlumatı ABŞ mediası yayıb.

Sığorta ilə bağlı məlumatlar Moskvada ciddi narahatlıqla qarşılanıb. Yeni əlavə sığorta tələb ediləcəyi ilə bağlı məlumatların Moskvada narahatlıq yaratmasına səbəb Rusiyanın neft ixracının böyük hissəsini boru kəmərlərindən kənarda - Qara dəniz və Türkiyə boğazlarından tankerlərlə daşınmasıdır.

Qeyd edək ki, neft tankerlərindən tələb olunan genişləndirilmiş sığorta Böyük Britaniyanın paytaxtı Londonda yerləşən “P&I” sığorta assosiasiyası tərəfindən təmin edilir. Britaniya isə dekabrın 5-də -Ukrayna müharibəsinə görə Rusiyaya qarşı irimiqyaslı sanksiyalar tətbiq edib və Rusiyanın neft tankerlərinə sığorta xidmətləri göstərməyi dayandıracağını açıqlayıb. Sanksiyalara görə neft ixracı təhlükə altında olan Rusiya isə təcili olaraq öz sığorta şirkətini qurmaq istəyir.



“Rusiyanın milli əlavə sığortası” adlanan şirkət 750 milyard rubl (təxminən 12 milyard dollar) kapitalla yaradıldığını elan edib. O, həmçinin Rusiya Mərkəzi Bankının bu şirkətə “yaşıl işıq” yandırdığını açıqlayıb.

Çərşənbə günü Moskvada gəmilərə əlavə sığortanın uzadılması ilə bağlı kifayət qədər ziddiyyətli açıqlamalar verən Rusiya nəqliyyat nazirinin müavini Aleksandr Poşivkin, heç bir rəsmi bəyannamənin olmamasına baxmayaraq, Türkiyənin Rusiya milli genişlənmiş əlavə sığorta şirkətinin siyasətini tanıdığını bildirib.

Poşivkin Türkiyə ilə yanaşı, Çin və Hindistanın da Rusiya sığortasını tanıdığını bildirsə də, Çinin Rusiya bayrağı altında tankerlərin sığortasını tanımadığı bəlli olub. Yəni Çin Rusiyanın Qərblə münaqişəsində Moskvanın tərəfində görünsə də, gəmilərdən “P&I” tipli “Lloyd” sığortası tələb edir.

Reyting.az




Bölməyə aid digər xəbərlər
{sape_links}{sape_article}