17:38 / 28-03-2024
Əməkdar artist vəfat edib
Rus oliqarxa kömək edən, rus diplomatla əlaqədə olan agent saxlanılıb
Tarix: 24-01-2023 15:54 | Bölmə: Slayd
Rus oliqarxa kömək edən, rus diplomatla əlaqədə olan agent saxlanılıb

Federal Təhqiqatlar Bürosunun (FTB) əks-kəşfiyyat üzrə keçmiş yüksək rütbəli əməkdaşı ABŞ sanksiyalarını pozaraq rusiyalı iş adamına kömək etməkdə ittiham olunur. İttihamnamədə onu keçmiş xarici təhlükəsizlik məmurundan nağd pul almaqda da ittiham edirlər.

Reyting.az
xəbər verir ki, 2016-2018-ci illərdə Nyu-Yorkda Federal Təhqiqatlar Bürosunun əks-kəşfiyyat şöbəsinə rəhbərlik emiş xüsusi agent Çarlz Makqoniqal rusiyalı iş adamı Oleq Deripaskanın adından rus tərcüməçisi olmuş keçmiş sovet diplomatı ilə əməkdaşlıqda da ittiham olunur.

2018-ci ildə təqaüdə çıxana qədər Deripaska da daxil olmaqla rus oliqarxları ilə bağlı araşdırmalara rəhbərlik etmiş və 2019-cu ildə Deripaskaya qarşı sanksiyaların aradan qaldırılmasına çalışan Makqoniqal 2021-ci ildə rəqibini araşdırmaq üçün ondan pul alıb.

Məlumata görə, 54 yaşlı Makqoniqal və tərcüməçi, 69 yaşlı Sergey Şestakov şənbə günü həbs ediliblər. Makqoniqal Con Kennedi Beynəlxalq Hava Limanına endikdən sonra nəzarətə götürülüb. Onlar Manhettendə məhkəmə qarşısına çıxmalıdırlar. Hər ikisi Bruklindəki federal həbsxanada saxlanılır.



Makqoniqal və Şestakov pulların yuyulması üçün Beynəlxalq Fövqəladə İqtisadi Səlahiyyətlər Aktını pozmaqda da ittiham olunurlar.

Makqoniqalı Vaşinqtonda federal məhkəmədə Avropada səyahət etdiyi kənar mənbədən aldığı 225.000 dollar məbləğində ödənişləri gizlətməkdə də ittiham edirlər.

Makqoniqal xarici rəsmilərlə təmasları FTB-yə bildirməli idi, lakin prokurorlar iddia edir ki, o, bizneslə məşğul olduğu və xaricə səyahət etdiyi üçün bunu işəgötürənindən gizlədib. Bu isə onun hüquq-mühafizə orqanları ilə bağlı vəzifələrinə zidd olub.

Xatırladaq ki, ABŞ Maliyyə Nazirliyi 2018-ci ildə Deripaskanı sanksiya siyahısına daxil edib.

Sentyabr ayında Manhetten federal prokurorları Deripaska və üç əməkdaşını “Uşağın Birləşmiş Ştatlarda doğulmasını təmin etmək üçün sui-istifadə də” və ABŞ sanksiyalarını pozmaqda ittiham etmişdilər.



Nyu-Yorkda hazırlanan ittihamnamədə qeyd olunur ki, Şestakov Makqoniqalı Deripaskanın “agenti” kimi çalışan keçmiş sovet diplomatı ilə tanış edib. Həmin şəxsin adı məhkəmə sənədlərində qeyd edilmir, lakin Ədliyyə Departamenti bildirir ki, həmin şəxs Rusiya kəşfiyyatının üzvü olub.

İttihama görə, Şestakov Deripaskanın agentinin qızının Nyu-York Polis Departamentində təcrübə keçməsinə kömək üçün Makqonqala müraciət edib. Prokurorların dediyinə görə, Makqoniqal bununla razılaşıb.

Ədliyyə Departamenti qeyd edir ki, Makqoniqal 2017-ci ildə Albaniyaya keçmiş alban kəşfiyyat məmuru ilə səfərinin əsas təfərrüatlarını FTB-dən gizlədib, halbuki bu səfərdə ona 225 min dollar veriblər.

Ədliyyə Nazirliyinin bildirdiyinə görə, o, orada bir dəfə Albaniyanın baş naziri ilə görüşüb və onunla danışıb ki, ölkədə neft qazma lisenziyalarını Rusiyanın mərmi şirkətlərinə verməsin.

Prokurorlar bildiriblər ki, Makqonqal albanlarla əlaqələri maddi maraq qarşılığında olub və qərarların qərarların qəbulunda rol oynayıb.

E. KAMAL
Reyting.az




Bölməyə aid digər xəbərlər
{sape_links}{sape_article}