16:23 / 16-04-2024
"Tiktoker Semka" həbs olunub
Rusiya prezidentinin həbsinə order verilib - (Yenilənib)
Tarix: 17-03-2023 19:56 | Bölmə: Slayd
Rusiya prezidentinin həbsinə order verilib - (Yenilənib)

Haaqa Beynəlxalq Cinayət Məhkəməsi Rusiya prezidenti Vladimir Putinin, həmçinin uşaq hüquqları üzrə komissarı Mariya Lvova-Belovanın həbsi üçün beynəlxalq orderlər verib. Reyting.az bildirir ki, bu barədə xarici KİV-lər məlumat yayıb.

Məlumata görə, bu gün, 17 mart 2023-cü il tarixində Beynəlxalq Cinayət Məhkəməsinin İkinci Məhkəməyə qədərki Palatası Ukraynadakı vəziyyət kontekstində iki nəfərin həbsinə order verib: cənab Vladimir Vladimiroviç Putin və xanım Mariya Alekseevna Lvova-Belova.

Beynəlxalq Cinayət Məhkəməsi izah edir ki, Putin və Lvova-Belova ukraynalı uşaqları qanunsuz deportasiya etməkdə şübhəli bilinirlər.

***

Qeyd edək ki, Rusiya Xarici İşlər Nazirliyinin rəsmi nümayəndəsi Mariya Zaxarova Haaqa Beynəlxalq Cinayət Məhkəməsinin (BCM) qərarlarına münasibət bildirib. M. Zaxarova öz Telegram kanalında diqqətə çatdırıb ki, Haaqa Beynəlxalq Cinayət Məhkəməsinin qərarlarının Rusiya üçün əhəmiyyəti yoxdur və Moskva onları tanımır:


“Rusiya Beynəlxalq Cinayət Məhkəməsinin Roma Statutunun tərəfi deyil və ona görə öhdəlik daşımır”.

Onun sözlərinə görə, BCM-nin qərarları Moskva üçün, o cümlədən hüquqi baxımdan heç bir əhəmiyyət kəsb etmir.

Zaxarova həmçinin bəyan edib ki, Beynəlxalq Ədalət Məhkəməsindən gələn həbs "reseptləri" hüquqi baxımdan Rusiya üçün etibarsızdır.

Bundan əvvəl BCM artıq Ukraynada hərbi cinayətlər törətmək ittihamı ilə Rusiyaya qarşı iki cinayət işi açmaq niyyətində olduğunu bəyan edib. Moskva dəfələrlə ittihamları rədd edib və onları yalan adlandırıb. Putinin mətbuat katibi Dmitri Peskov da öz növbəsində bildirib ki, Rusiya Beynəlxalq Cinayət Məhkəməsinin yurisdiksiyasını tanımır.

Y. QACAR
Reyting.az




Bölməyə aid digər xəbərlər
{sape_links}{sape_article}