Dünyada koronavirusa yoluxanların sayı 1 milyonu keçib
Tarix: 03-04-2020 00:47 | Bölmə: Cəmiyyət
Dünyada koronavirusa yoluxanların sayı 1 milyonu keçib

Dünyada yeni növ koronavirus infeksiyasına yoluxanların sayı 1 milyonu keçib.

Reyting.az
xəbər verir ki, ABŞ-dakı Cons Hopkins Universiteti şəxsi hesablamaları əsasında belə bir nəticəyə gəlib.

Universitet rəsmi mənbələrdən və KİV-dən əldə olunan geniş statistik məlumatları ümumiləşdirir.

Universitetin məlumatına görə, ölənlərin sayı təxminən 51,5 minə çatıb.

Öz növbəsində Ümumdünya Səhiyyə Təşkilatı (ÜST) isə 900 min yoluxma və 46 min ölüm faktının qeydə aldığını bildirib.

Hazırda dünyanın 165 ölkəsində koronavirus aşkar olunub. Ən çox ölüm halları İtaliya (13 915), İspaniya (10 003), ABŞ (5316), Fransa (4503), Çin (3287), İran (3160), Böyük Britaniya (2921), Niderland (1339), Belçika (1011) və Almaniyada (1001) qeydə alınıb.(APA)




Bölməyə aid digər xəbərlər
{sape_links}{sape_article}