"Embawood" şirkəti iş zamanı xəsarət alan azyaşlını aldadıb - Fotolar
Tarix: 04-05-2021 13:02 | Bölmə: Cəmiyyət
"Embawood" şirkəti iş zamanı xəsarət alan azyaşlını aldadıb

"Embawood" şirkətində qalmaqallı hadisə baş verib.

Reyting.az
xəbər verir ki, Masallı rayon sakini Əliəkbər Əliyev BiG.AZ saytına bildirib ki, 2003-cü ildə adıçəkilən şirkətdə iş zamanı bədbəxt hadisə ilə üzləşib:

"2003-cü ildə "Embawood" mebel şirkətinin sexində iş zamanı dəzgahda bir barmağım qopub. Digəri isə ağır zədələnib. Nitq problemim yaranıb. Həmin vaxt mənim 17 yaşım var idi. Məni qeyri-qanuni işlədirdirlər”.

Ə. Əliyev deyib ki, bu hadisədən sonra xəstəxanaya yerləşdirilib: “Şirkət rəhbərliyi məndən şikayət etməməyimi istədi. Mənə bildirildi ki, hər bir təzminatın ödənəcək, yenidən səni əvvəlki işinə qaytaracağıq. Amma dedikləri kimi olmadı. Məni xəstəxanada qoyub getdilər. Hər dəfə mən öz vəsaitim hesabına həkimə gedib müalicəmi etdirdim. Şirkət səhhətimlə maraqlanmadı. Bir ildən sonra mən yenidən iş üçün həmin şirkətə müraciət etdim. Məni işə qaytardılar, amma bu, çox ağır iş oldu. Yükdaşıma işini verdilər, fəhlə işlədim. Amma bu iş mənim əlimdəki vəziyyət üçün çox təhlükəli idi. Amma ailə vəziyyətim pis olduğu üçün işləmək məcburiyyətindəydim”.

Şikayətçi qeyd edib ki, 2009-cu ildə onu yenidən işdən kənarlaşdırıblar: “O gündən sonra şirkətə gedəndə məni qapıdan içəri buraxmırlar. Ailə vəziyyətimlə maraqlanan yoxdur. Halbuki mənə demişdilər ki, şikayət etmə, sənin bütün sosial təminatını ödəyəcəyik. İndi ailə vəziyyətim çox acınacaqlıdır. “Embawood” şirkətinin rəhbərliyi isə məni dinləmək istəmir. Bu hadiəsədən şirkət rəhbəri Elşad Abbasovun da xəbəri var. Amma mənə heç bir köməklik göstərilmir”.

Ə. Əliyev sonda əlavə edib ki, əlil kimi təqaüd almaq imkanı da yoxdur. İddia edir ki, əlilliyini rəsmiləşdirmək üçün ondan üç min manat rüşvət istəyiblər.

Reyting.az qarşı tərəfin məsələyə münasibətinə yer ayırmağa hazırdır.





Bölməyə aid digər xəbərlər
10-05-2021, 11:48 Sabah yağış yağacaq

bütün xəbərlər
{sape_links}{sape_article}