“Mançester Yunayted” Poqba üçün 200 milyon istəyir
Tarix: 17-07-2019 14:40 | Bölmə: İdman
“Mançester Yunayted” Poqba üçün 200 milyon istəyir

“Mançester Yunayted” Madridin “Real” klubuna yarımmüdafiəçi Pol Poqbanın qiymətini açıqlayıb.

Reyting.az-ın xarici medeiaya istinadla verdiyi xəbərə görə, İngiltərə klubu futbolçusunu 200 milyon avro müqabilində buraxmağa hazırdır.

Xəbərdə qeyd edilir ki, klubun bir neçə oyunçusunu satmağı planlaşdıran “Real” indi bu məbləği ödəməyə hazır deyil.

Bundan əvvəl məlumat verilirdi ki, “Mançester Yunayted” 26 yaşlı futbolçunu ona əvəz tapmaq üçün avqustun 8-nə kimi satmağa hazırdır. Bununla belə, komandanın baş məşqçisi Ule-Qunner Sulşer Poqbanın getməsini arzulamır.

Xatırladaq ki, oyunçunun klubu ilə müqaviləsi 2021-ci ilə qədər nəzərdə tutulur. Poqba 2018/19-cu il mövsümündə 47 oyun keçirib, 16 qol vurub və 11 məhsuldar ötürmə verib.

Reyting.az




Bölməyə aid digər xəbərlər
{sape_links}{sape_article}