17:58 / 22-05-2024
"Şamaxı" çempion olub
Qazaxıstan neftini Rusiyadan yan keçirməyin yolunu tapıb
Tarix: 31-08-2023 18:45 | Bölmə: İqtisadiyyat
Qazaxıstan neftini Rusiyadan yan keçirməyin yolunu tapıb

Qazaxıstan Xəzər dənizi ilə neft nəql etmək üçün iki tanker alıb. Reyting.az “Bloomberg”-ə istinadla xəbər verir ki, bunu ölkənin energetika nazirinin müavini Yerlan Akkenjenov bildirib.

Onun sözlərinə görə, “Kazmunaigas” dövlət şirkəti artıq iki neft tanker alıb, onların dedveyti (daşınan yükün ümumi maksimal çəkisi) 8 min ton təşkil edir. Həmçinin istifadə olunacaq dedveyti on dəfə çox olan daha iki gəminin alınması planlaşdırılır(Qara dənizdə).

Nazir müavini əlavə edib ki, Astana neft ixracı üçün alternativləri araşdırır, lakin hələlik ən sərfəli marşrut Qazaxıstan neftini Atırau vilayətindən Novorossiysk limanına çatdıran Xəzər Boru Kəməri Konsorsiumudur (CPC).

Xatırladaq ki, ötən il CPC Qazaxıstan neftinin 80 faizini ixrac edib, lakin əvvəlki illə müqayisədə həcmlər təxminən 1 faiz azalıb.

Astana həmçinin Gürcüstanın Batumi limanı vasitəsilə Bakı-Tbilisi-Ceyhan boru kəməri ilə Azərbaycana, eləcə də Çin və Özbəkistana ixrac üçün neft göndərib. Ümumilikdə, Rusiyadan yan keçməklə, bir il əvvəllə müqayisədə 56 faiz çox ixrac edilib, lakin CPC vasitəsilə çatdırılma ilə müqayisədə həcm cüzidir.

ELÇİN
Reyting.az




Bölməyə aid digər xəbərlər
{sape_links}{sape_article}