16:18 / 01-03-2024
Navalnı dəfn olunub
Türkiyədə transmilli brendlərə “müharibə” elan olunub
Tarix: 09-11-2023 14:49 | Bölmə: İqtisadiyyat
Türkiyədə transmilli brendlərə “müharibə” elan olunub

Türkiyədə İsrailə qarşı ümumi etirazlar artır. İsrailin HƏMAS-a qarşı müharibəsi səbəbindən böyük transmilli brendlərə qarşı boykot çağırışları başlayıb.

Reyting.az
xəbər verir ki, bu barədə “Al-Monitor” yazıb.

ABŞ nəşrinin təhlilində qeyd olunur ki, Türkiyə parlamenti bu həftə kafeteryalarınn “İsrail təcavüzünü” dəstəklədiklərini iddia edərək, transmilli şirkətlər tərəfindən istehsal olunan məhsulların satışını dayandırıb.

Məlumata görə, Türkiyə parlamentinin (TBMM) sədri Numan Kurtulmuş Qara dəniz bölgəsində bu qərarı açıqlayaraq, vətəndaşları qadağaya əməl etməyə çağırıb.

N. Kurtulmuş deyib ki, Türkiyə Böyük Millət Məclisi İsrailin təcavüzünə dəstək verən şirkətlərin məhsulundan istifadə etməyəcək: “Onları bundan sonra almayacağıq və artıq aldığımız məhsulları da zibilliyə atacağıq”.

Kurtulmuş brendlərin adını çəkməyib, lakin “Coca-Cola” və “Nescafe” məhsulları parlamentin restoran və yeməkxanalarından yığışdırılıb.

Xəbəri ilk olaraq “T24” müstəqil xəbər agentliyi yayıb. Nə Kurtulmuş, nə də boykotu təsdiqləyən bəyanat yayan ofisi, bu markaların İsrailin Qəzzadakı hərəkətlərinə necə dəstək olduğuna dair açıqlama verib.

“Coca-Cola” və “Nestle”-nin Türkiyə ofisləri ilə əlaqə saxlamaq mümkün olmayıb. Keçən ay “Nestle”, müharibəyə cavab olaraq "ehtiyat tədbiri" kimi İsraildəki zavodlarından birini müvəqqəti bağladığını bildirib.

Ayrı-ayrılıqda Türkiyənin bir neçə universiteti İsrailin akademik qurumlarına qarşı akademik boykot elan edib. Onların arasında iki ildən artıqdır ki, hökumətin mübahisəli rektor təyinatlarına görə akademiklər və tələbələrin etirazlarına səhnə olan İstanbulun Boğaziçi Universiteti də var.

Çərşənbə günü türk, ingilis və ərəb dillərində yaydığı bəyanatda universitet İsrail akademiyası ilə əməkdaşlıqdan çəkinəcəyini bildirib. “Qlobal akademik ictimaiyyətin bir hissəsi olaraq, davamlı atəşkəs əldə olunana qədər susmağı və ya İsrail tərəfindən fələstinli mülki şəxslərə qarşı rəftarı dəstəkləyən İsrail akademiyasının institutları və ya nümayəndələri ilə hər hansı akademik əməkdaşlıqdan çəkinmək niyyətimizi bəyan edirik”.

Yerli bələdiyyələr də transmilli brendlərə qarşı boykota qoşulub. “Anadolu” xəbər verir ki, ölkənin müxtəlif bölgələrində ondan çox yerli administrasiya İsraildə istehsal olunan məhsulların satışını öz müəssisələrində dayandıracaqlarını açıqlayıb.

Bu ayın əvvəlində Türkiyə prezidenti Rəcəb Tayyib Ərdoğanın kiçik oğlu Bilal Ərdoğan da transmilli brendləri boykot etməyə çağırıb.

“Dəmirörən” Xəbər Agentliyi (DHA) ondan sitat gətirilib: “Prioritet açıq şəkildə İsraili dəstəkləyən, daha sonra İsraili açıq şəkildə qınamayan və Fələstini dəstəkləməyən brendlər olmalıdır”.

O, Türkiyənin dövlət tərəfindən idarə olunan dini işlər idarəsinin rəhbəri Əli Erbaşla yanaşı çıxış edib və o da bu çağırışı dəstəkləyib.

Böyük çoxmillətli brendlər, xüsusilə “Coca-Cola” və “McDonald's” İsrail-Fələstin münaqişəsi qarşısında tez-tez regional etirazların və boykotların hədəfi olur. Keçən ay İsrail əleyhinə etirazlar zamanı Türkiyədə bir neçə “McDonald's” vandalizmə məruz qalıb.

Artan boykotlar qarşısında ABŞ-ın Ankaradakı səfirliyi təhlükəsizlik xəbərdarlığı edib və vətəndaşlarını diqqətli olmağa çağırıb.

“İstənilən toplantı, hətta dinc xarakter daşıyanlar belə, gərginləşə və zorakılığa çevrilə bilər. [Türkiyədə] ABŞ-ın tanınmış kafe və fast food şəbəkələrində son etirazlar biznesi dayandırdı və vandalizmə, əmlaka ziyan vurmağa və bəzi şəxslərin xəsarət almasına səbəb oldu”, - səfirliyin saytındakı xəbərdarlıqda deyilir.

Həftəsonu sosial mediada bir şəxsin İstanbuldakı yerli “McDonald's” mağazasının içərisinə siçanları buraxaraq şirkətin İsrail bölməsinin İsrail əsgərlərinə endirimlər etməsinə etiraz edən görüntülər yayılıb.

E. KAMAL




Bölməyə aid digər xəbərlər
{sape_links}{sape_article}