00:14 / 27-02-2024
Bu gün Su çərşənbəsidir
15:27 / 26-02-2024
SOCAR-da yeni təyinat olub 
Rusiya qazının idxalına mane olmaq istəyirlər
Tarix: 08-12-2023 18:52 | Bölmə: İqtisadiyyat
Rusiya qazının idxalına mane olmaq istəyirlər

Avropa İttifaqı üzv ölkələrə Rusiya və Belarusdan qaz idxalını dayandırmaq səlahiyyəti vermək niyyətindədir.

Reyting.az
“Financial Times”ə istinadla bildirir ki, Avropa İttifaqının (Aİ) istənilən üzv ölkəsi Brüsselin təklif etdiyi qanun layihəsi əsasında Rusiya və Belarus şirkətlərinə qaz kəmərlərində və mayeləşdirilmiş qaz terminallarında tutum almağı qadağan edə biləcək.

Yüksək vəzifəli avropalı məmurun sözlərinə görə, bu təklif Aİ enerji şirkətlərinin əhəmiyyətli təzminat ödəmədən Rusiya qaz tədarükçüləri ilə müqavilələrdən çıxması üçün əsas ola bilər.

Qeyd edək ki, Aİ 2022-ci ilin fevral hücumundan sonra Rusiya enerjisindən asılılığını tədricən azaltsa da, hələ də qaz tədarükünün onda birini, o cümlədən LNG tədarükünü Rusiyadan alır. Avstriya və Macarıstan da daxil olmaqla, bir sıra üzv ölkələr hələ də Rusiya təchizatından çox asılıdır.

Avropa Komissiyası üzv ölkələri qaz idxalının qalan hissəsini dayandırmağa məcbur etmək istəyir. Bəzi ölkələr, o cümlədən Polşa və Baltikyanı ölkələr fəal şəkildə Moskvaya qarşı daha sərt addımlar atmağı tələb edirdilər. Qanun layihəsinə görə, Aİ-yə üzv dövlətlərə “əsas təhlükəsizlik maraqlarını qorumaq üçün zəruri hallarda” Rusiya və Belarusdan olan qaz operatorlarının infrastruktura çıxışını “qismən və ya əsaslandırıldığı təqdirdə tamamilə məhdudlaşdırmağa” icazə veriləcək.

Üzv dövlətlərin və Avropa Parlamentinin müzakirəçilərinin cümə günü layihə mətnini təsdiqləmələri gözlənilir. Yekun variant hələ də parlament və Aİ-yə üzv dövlətlər tərəfindən rəsmi şəkildə təsdiqlənməlidir.

Onu da qeyd edək ki, oktyabr ayında “Euobserver” İspaniya və Belçikanın 2023-cü ilin yanvar-sentyabr ayları arasında Rusiyadan mayeləşdirilmiş təbii qaz idxalını iki dəfə artırdığını bildirib. Xüsusilə, İspaniya Aİ ölkələri arasında Rusiyanın ən böyük maye qaz idxalçısı seçilib. Reytinqdə sonrakı yerləri Fransa və Belçika tutub. Noyabrın 29-da məlum olub ki, Aİ limanları gizli şəkildə Rusiya Federasiyasından gələn maye qazın 20 faizdən çoxunu Aİ-dən kənarda yerləşən dünyanın digər ölkələrinə satır. Bununla o, Moskvaya Ukrayna ilə müharibə üçün “qan pulu” qazanmağa kömək edir.

Noyabrın 30-da Ukraynanın Korrupsiyanın Qarşısının Alınması üzrə Milli Agentliyi (NAPK) Belçikanın müstəqil qaz sistemi operatoru “Fluxys”i müharibənin sponsorları siyahısına əlavə edib. Buna səbəb şirkətin Rusiyanın mayeləşdirilmiş təbii qazının ixracını təşviq etməsi olub. Qeyd olunur ki, “Fluxys”in ödədiyi vergilər Rusiya büdcəsini 800 milyon avro artıracaq.

V. QULİYEV




Bölməyə aid digər xəbərlər
{sape_links}{sape_article}