Sanksiyalar təsirsizdir: Rusiya neft ixracı üzrə dörd aylıq rekorda imza atıb
Tarix: 28-02-2024 11:13 | Bölmə: İqtisadiyyat
Sanksiyalar təsirsizdir: Rusiya neft ixracı üzrə dörd aylıq rekorda imza atıb

Rusiyanın ümumi neft ixracı təxminən dörd ayın ən yüksək həddinə yüksəlib.

Reyting.az
xəbər verir ki, bu barədə “Bloomberg” nəşri yazıb.

Fevralın 22-dək yeddi gün ərzində Rusiya neftinin həftəlik tədarük həcmi gündəlik 365 min barel artaraq 3,5 milyon barel olub ki, bu da hədəfdən 215 min barel çoxdur. Bu artım Rusiyanın Sokol neftinin tədarükü ilə bağlı çətinlikləri kompensasiya etməyə imkan verib.

Nəşr qeyd edir ki, sonuncu, Hindistanın neft emalı zavodlarının Amerika sanksiyalarından qorxmağa başlaması və nəqliyyat xərclərinin artması səbəbindən planlarına yenidən baxmağa məcbur olması səbəbindən yaranıb.

Məlumata görə, hazırda gəmilərdə ən azı 14 yük Sokol nefti var və onların ümumi həcmi təxminən 10 milyon bareldir. Əvvəllər bildirildiyi kimi, bu ay Hindistana yalnız bir neçə belə yük gəlib.

Xatırladaq ki, keçən il Hindistan Rusiya neftinin dəniz yolu ilə idxalına görə birinci yeri tutub. Mütəxəssislərin fikrincə, 2023-cü ilin yanvar-may aylarında ruslar Hindistana neft tədarükünü 37 milyon tona çatdırıblar - bu, əvvəlki ilin eyni dövrü ilə müqayisədə təxminən 11 dəfə çoxdur. Halbuki 2022-ci ildə Hindistan 33,4 milyon ton Rusiya nefti idxal edib.

Fevralda məlum olub ki, ruslar neft ixracından “görünməmiş” gəlir əldə ediblər. Eyni zamanda, Rusiya neftindən hasil edilən Hindistan neft məhsulları, digərləri ilə yanaşı, ABŞ tərəfindən daha çox alınır.

V. QULİYEV




Bölməyə aid digər xəbərlər
19-04-2024, 10:39 Bitcoin ucuzlaşıb

{sape_links}{sape_article}