17:25 / 04-04-2025
“Bazarstore” qanunu pozub
Ruslar altı ayda 17,2 ton zərgərlik məmulatı alıb
Tarix: 29-10-2024 08:54 | Bölmə: İqtisadiyyat
Ruslar altı ayda 17,2 ton zərgərlik məmulatı alıb

Rusiyada zərgərlik məmulatlarına tələbat artır.

Reyting.az
Rusiya KİV-lərinə istinadla xəbər verir ki, bu barədə “Vedomosti” Dünya Qızıl Şurasının (WGC) məlumatında bildirilir.

Məlumata görə, altı ay ərzində Rusiyada satılan zərgərlik məmulatlarının ümumi çəkisi 17,2 tondur. Bu, ötən ilin eyni dövrü ilə müqayisədə dörd faiz çoxdur. Eyni zamanda, qızılın bahalaşmasına və bu cür məhsulların satışının dünya üzrə azalması tendensiyasına baxmayaraq, bu məhsula tələbat artır.

Zərgərlik məmulatlarının orta alış qiymətinin də artdığı bildirilir.

Xatırladaq ki, Rusiya maliyyə nazirinin müavini Aleksey Moiseyev əmanətlərini banklara etibar etmək istəməyən ruslara qızıl almağı tövsiyə etmişdi. O, bir müddət əvvəl bildirmişdi ki, vətəndaş əmanətlərini saxlamaqdan ötrü xarici valyutalar artıq təhlükəsiz üsul hesab edilmir.

V. QULİYEV




Bölməyə aid digər xəbərlər