Leyla Məmmədova: “20-dən çox fermerlə danışıqlara başlamışıq”
Tarix: 21-09-2019 13:40 | Bölmə: İqtisadiyyat
Leyla Məmmədova: “20-dən çox fermerlə danışıqlara başlamışıq”

“Kənd Təsərrüfatı Nazirliyinə məxsus “Aqrar Tədarük və Təchizat” ASC-nin həyata keçirdiyi “Şəhərdən kəndə” layihəsi çərçivəsində həyata keçirilən aqro ekoturizm layihəsi ilə bağlı İsmayıllıya və Şəkiyə müxtəlif turlar təşkil edilir".

Reyting.az
xəbər verir ki, bunu “Report”a “Aqrar Tədarük və Təchizat”ın İdarə Heyətinin sədri Leyla Məmmədova bildirib.

L. Məmmədova qeyd edib ki, ümumilikdə, 10-a yaxın aqro ekoturizm turu həyata keçirilib: "Hazırda aqro ekoturizmdə iştirak edə biləcək 20-dən çox fermerlə danışıqlara başlamışıq. Danışıqlar fermer təsərrüfatlarının layihəyə cəlb edilməsi istiqamətindədir”.

O əlavə edib ki, vətəndaşlarla yanaşı, İtaliyadan, Fransadan, Ekvadora məxsus adalar qrupu Qalapaqosdan da həyata keçirilən turlarda iştirak etmək üçün qeydiyyatdan keçən və iştirak edən turistlər var. “Məqsədimiz regionlara dəstək göstərmək və 2021-ci ilə qədər ölkənin Şimal-Qərb bölgəsində aqro ekoturizmi inkişaf etdirməkdir”.

L. Məmmədovanın sözlərinə görə, Azərbaycanda turizm sahəsi son illər inkişaf edir: “Ölkəyə gələn turistlərin sayı və müxtəlifliyi artır. Aqro ekorturizmin təbliği istiqamətində Azərbaycan Dövlət Turizm Agentliyi ilə sıx əməkdaşlıq edirik. Agentlik bizə həmçinin ekspertləri ilə birlikdə maarifləndirmə işlərində dəstək göstərir və xaricdə tanıdılması istiqamətində işlər aparılır”.

Xatırladaq ki, aqro ekoturizimin inkişafına həsr olunan “Şəhərdən kəndə” layihəsinin icrasına iyunun 4-də başlanılıb. Layihə Ekologiya və Təbii Sərvətlər Nazirliyinin, Dövlət Turizm Agentliyinin dəstəyi ilə reallaşdırılır.
скачать dle 10.5фильмы бесплатно




Bölməyə aid digər xəbərlər
2-10-2019, 14:40 Neft yenidən bahalaşır

{sape_links}{sape_article}