Palata daha bir şirkəti cərimələyib
Tarix: 07-10-2019 17:16 | Bölmə: İqtisadiyyat
Palata daha bir şirkəti cərimələyib

Azərbaycan Maliyyə Bazarlarına Nəzarət Palatası “Aqro Teknoser” MMC barəsində inzibati xəta haqqında protokol tərtib edib.

Nərimanov Rayon Məhkəməsi Palatanın protokoluna əsasən, şirkətin 24880 ABŞ dolları məbləğində cərimə edilməsi barədə qərar çıxarıb.

Məhkəmə şirkəti İnzibati Xətalar Məcəlləsinin (İXM) 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsi ilə təqsirli bilib.

Bakı şəhəri Nərimanov Rayon Məhkəməsinin 21 may 2019-cu il tarixli qərarından verilən şikayətə Bakı Apellyasiya Məhkəməsində baxılır.

Qeyd edək ki, “Aqro Teknoser” MMC-nin hüquqi ünvanı Bakı şəhəri Nərimanov rayonunda, istixana müəssisəsi isə Kürdəmir rayonu, Sor-sor kəndində yerləşir/Report.




Bölməyə aid digər xəbərlər
{sape_links}{sape_article}