17:38 / 28-03-2024
Əməkdar artist vəfat edib
Ləğv prosesində olan bankların əmanətçilərinə kompensasiya ödənilib
Tarix: 10-10-2020 12:58 | Bölmə: İqtisadiyyat
Ləğv prosesində olan bankların əmanətçilərinə kompensasiya ödənilib

Bu ilin iyunun 16-dan oktyabrın 8-dək Azərbaycan Beynəlxalq Bankı tərəfindən ləğv prosesində olan "AGBank" və "NBCBank"ın əmanətçilərinə 194,43 mln. manatdan çox kompensasiya ödənilib.

Bu barədə Əmanətlərin Sığortalaması Fondundan (ADIF) Reyting.az-a bildirilib ki, oktyabrın 8-nə olan məlumata görə, "AGBank" üzrə 4 212 əmanətçiyə ödənilən məbləğ 80,18 mln. manat, "NBCBank" üzrə isə 3 979 əmanətçiyə 114,24 mln. manat kompensasiya ödənilib.

İyunun 1-dən oktyabrın 8-dək "Kapital Bank" tərəfindən ləğv prosesində olan "Amrahbank" və "Atabank"ın əmanətçilərinə 347,29 mln. manatdan çox kompensasiya ödənilib.

Qeyd olunan müddət ərzində "Amrahbank" üzrə 5 600 əmanətçiyə ödənilən məbləğ 132,83 mln. manat, "Atabank" üzrə isə 9 262 əmanətçiyə 214,45 mln. manat kompensasiya ödənilib.

Ümumilikdə, oktyabrın 8-nə ləğv prosesində olan 4 bank üzrə 23 053 əmanətçiyə 541,72 mln. manatdan çox kompensasiya ödənilib.




Bölməyə aid digər xəbərlər
{sape_links}{sape_article}