Avropada gərginlik - Polşa qiymətlərə görə Almaniyanı ittiham edir
Tarix: 29-11-2022 16:37 | Bölmə: İqtisadiyyat
Avropada gərginlik - Polşa qiymətlərə görə Almaniyanı ittiham edir

Avropa İttifaqı (Aİ) Komissiyasının təbii qazla bağlı tavan qiymətinin 275 avro təyin edilməsi təklifini müzakirə etmək üçün bir araya gələn Aİ-nin enerji nazirləri yenə də yuxarı həddə razılaşa bilməyiblər. 27 üzvlü blokun təkliflə bağlı fikir ayrılığı olduğu halda, Polşa qışın özünü hiss etdirdiyinə diqqət çəkərək Almaniyanı hədəfə alıb.

Reyting.az
xəbər verir ki, Avropa Birliyində “tavan qiymət”lər Birliyin acizliyi ortaya çıxır.

“Financial Times” qəzetinin xəbərinə görə, Ukrayna müharibəsindən bəri Rusiya qazından asılılığını azaltmağın yollarını axtaran Avropa İttifaqı rekord qırıb.

Bildirilir ki, Avropa İttifaqı 2022-ci ilin yanvar-oktyabr aylarında Rusiyadan mayeləşdirilmiş təbii qaz idxalını artırıb. İdxalçılar siyahısında ilk yerləri Belçika, Fransa, İspaniya və Hollandiya tutub.

Aİ-nin Rusiya qazı üçün tavan qiymətini təyin etmək səyləri davam edərkən, Kremlin sözçüsü Peskovdan Aİ-yə hədə-qorxu xəbərdarlığı gəlib.

Peskov bildirib ki, Rusiya öz enerji resurslarını qiymət həddi təyin edənlərə satmamaqda qərarlıdır. Rusiya mətbuatı qərarın oktyabrın ortalarında Rusiya prezidenti Vladimir Putin tərəfindən açıqlandığını vurğulayıb.

Peskov deyib ki, onlar hərəkətlərini prezident Putinin bu cür ölkələrlə neft və neft məhsulları və ya qaz alveri edilməyəcəyinə dair bəyanatı əsasında qururlar.

Hesabatda Avropanın bu ilin yanvar-oktyabr ayları arasında qlobal bazardan 111 milyard kubmetr LNG idxal edərək idxal həcmini 70 faiz artırdığına dair məlumatlar da yer alıb.

Rusiyanın “Qazprom” şirkəti aprel ayında tədarük etdiyi qazın əvəzini rublla ödəməkdən imtina edən Niderlandın “GasTerra”ya təbii qaz axınını dayandıracağını açıqlamışdı.

“GasTerra” isə rubl ödənişləri ilə bağlı açıqlama verərək, “Qazprom”un Rusiya təbii qazı üçün ödəmə öhdəliklərinin yerinə yetirilməyəcəyini bildirib.
“Qazprom” bundan əvvəl rublla ödəməkdən imtina edən Finlandiyaya qaz nəqlini kəsmişdi.

Onu da qeyd edək ki, Putinin imzaladığı fərmanla “dost olmayan ölkələr” siyahısı rəsmiləşib. Rusiya hökumətinin açıqladığı siyahıya ABŞ və bütün Avropa İttifaqı ölkələri daxildir:

Ukrayna, Monteneqro, İsveçrə, Albaniya, Andorra, İslandiya, Lixtenşteyn, Monako, Norveç, San Marino, Şimali Makedoniya, Yaponiya, Cənubi Koreya, Avstraliya, Mikroneziya, Yeni Zelandiya, Sinqapur və Tayvan.




Bölməyə aid digər xəbərlər
2-02-2023, 14:33 Türk lirəsi ucuzlaşır

{sape_links}{sape_article}