17:38 / 28-03-2024
Əməkdar artist vəfat edib
Milyarderlər “Yandex”i almaq istəyir, bunun ölkəmizə də təsirləri olacaq
Tarix: 21-05-2023 09:58 | Bölmə: İqtisadiyyat
Milyarderlər “Yandex”i almaq istəyir, bunun ölkəmizə də təsirləri olacaq

Çoxşaxəli xidmət spektri olan “Yandex” şirkəti MDB regionunda daha da güclənməyə çalışır. Məlumata görə, rusiyalı milyarderlər Vahid Ələkbərov və Vladimir Potanin “Yandex”in nəzarət paketini (51 faizini) almaq istəyirlər. Bu məqsədlə sövdələşmələrə başlanıb. Burada söhbət “Yandex”in Rusiya və keçmiş MDB məkanı üzrə fəaliyyət göstərəcək şirkətinin yaradılmasından gedir. Digər 49 faiz isə Niderlandda yerləşən “Yandex”ə məxsus olacaq.

Reyting.az
xəbər verir ki, Azərbaycan İnternet Forumunun prezidenti Osman Gündüzün sözlərinə görə, Rusiya-Ukrayna müharibəsindən sonra sanksiyalara məruz qalan bu şirkətdə xeyi çaxnaşmalar olub.

Mütəxəssis deyib ki, qurumun göstərdiyi xidmətlərin adları, brendləri, əsas icraedicilər dəyişib, yeni adlar peyda olub, sanksiyalardan yaxa qurtarmaq üçün müxtəlif ölkələrdə oturuşmağa başlayıblar.

O. Gündüz deyib ki, sanksiyalardan yayınmaq üçün hələ də “Yandex”də çaxnaşmalar davam edir: “Əgər milyarderlərin “Yandex”lə bağlı sövdələşməsi baş tutsa, onun MDB-də fəaliyyəti, xüsusi çəkisi hədsiz dərəcədə artacaq. Adıçəkilən sövdələşməyə görə, “Yandex”in süni intellekt, pilotsuz avtomobillər, bulud texnologiyaları və s. xidmətləri xaricdə olacaq, market, taksi, təhsil, e-ticarət və s. xidmətləri MDB ərazisində cəmləşəcək”.

Mütəxəssisin fikrincə, “Yandex” Azərbaycan bazarındakı xüsusi çəkisini də artırmaq istəyəcək: “Azərbaycanın taksi bazarında isə son dövrlərədək əsasən xarici şirkətlər hökmranlıq edirdi. Hələlik vəziyyət dəyişməyib. Bizim taksi bazarının əsas oyunçuları olan “Uber” və “Yango” əslində Rusiyanin “Yandex” şirkətinə məxsusdur. Son günlərdə isə “PAŞA Holdinq” Azərbaycanın taksi bazarına daxil olacağını və bu məqsədlə Ukraynanın “Uklon” şirkəti ilə əməkdaşlığa başladığını bildirib. “Uklon”un da bazara daxil olmaq üçün artıq ciddi işlərə başladığı bildirilir.

Beləliklə , düşünmək olar ki, yaxın perspektivdə Azərbaycanın taksi bazarında əsas rəqabət “Yandex” və “Uklon” arasında ola bilər”.

O. Gündüz diqqətə çatdırıb ki, bir neçə gün öncə Rəqəmsal İnkişaf və Nəqliyyat Nazirliyində Azərbaycanda fəaliyyət göstərən taksi şirkətlərinin nümayəndələri ilə görüş keçirilib: “Görüşdə xarici taksi şirkətlərin nümayəndələrinə bildirilib ki, Azərbaycan vətəndaşlarına məxsus datanın xarici ölkələrdə yerləşməsi “Fərdi məlumatlar haqqında” Qanuna ziddir. Taksi şirkətlərinə qısa müddət ərzində qeyd olunan çatışmazlıqları aradan qaldırmaq tapşırılırb”.

V. QULİYEV




Bölməyə aid digər xəbərlər
{sape_links}{sape_article}