“Böyük Qayıdış”ın qalibləri müəyyənləşib - Siyahı
Tarix: 30-04-2021 14:31 | Bölmə: Mədəniyyət
“Böyük Qayıdış”ın qalibləri müəyyənləşib

Azərbaycan Mədəniyyət Nazirliyinin elan etdiyi “Böyük Qayıdış” qısametrajlı bədii, sənədli və animasiya film layihələri müsabiqəsinin sonuncu – Pitçinq mərhələsi cari ilin aprel ayının 27-də Azərbaycan Dövlət Film Fondunda keçirilmiş və şəfaflığın qorunması məqsədi ilə Pitçinq Dövlət Film Fondunun rəsmi “YouTube” kanalı vasitəsilə canlı yayımlanıb.

Reyting.az
xəbər verir ki, milli kinematoqrafiya sahəsində fəaliyyət göstərən yaradıcı şəxslərə dəstək olmaq, bu istiqamətdə çalışan dövlət studiyalarının və müstəqil prodüser mərkəzlərinin fəaliyyətini stimullaşdırmaq, habelə Vətən müharibəsində qazanılmış Böyük Zəfərə kino vasitəsilə töhfə vermək məqsədilə elan olunmuş müsabiqənin Pitçinq mərhələsində iştirak hüququ qazanan 26 layihə Münsiflər heyəti tərəfindən bədii-kinematoqrafik keyfiyyətləri nəzərə alınaraq qiymətləndirilib.

Seçim prosesi münsiflərin açıq səsverməsi yolu ilə keçirilib, 7 münsifdən 2-si bitərəf qalıb, 5-nin səs çoxluğu ilə aşağıdakı 11 layihə qalib seçilib:

Bədii filmlər

1. “İnteraz Media and Broadcasting” MMC - “Tanrının nəbzi” (Layihənin adı)

2. “Mozalan” studiyası MMC - “İkinci planetin qırmızı rəngi”

3. “Karvan production” MMC - “Arxa cəbhə”

4. “Debüt” studiyası - “İki gün”

5. “Ultra Production” MMC - “Hasar”.

Sənədli filmlər

1. C. Cabbarlı adına “Azərbaycanfilm” kinostudiyası - “Fulya”

2. C. Cabbarlı adına “Azərbaycanfilm” kinostudiyası - “Müharibənin uşaqları”

3. “Balans” MMC - “Çin olan gizlinlər”

4. “Debüt” studiyası - “Evimin səsi”.

Animasiya filmləri

1.“Birlik kinostudiyası” MMC - “Qarabağ nağılı”

2. “OB Film” MMC.

Qeyd edək ki, müsabiqənin Pitçinq prosesini aşağıdakı linkdən izləmək olar:






Bölməyə aid digər xəbərlər
bütün xəbərlər
{sape_links}{sape_article}