Teatr 130-cü mövsümünə başqa səhnədə yekun vurub - Fotolar
Tarix: 16-07-2021 12:44 | Bölmə: Mədəniyyət
Teatr 130-cü mövsümünə başqa səhnədə yekun vurub

Bir neçə ildir ki, Lənkəran Dövlət Dram Teatrı mövsümün açılış və bağlanış mərasimlərini doğma səhnədən kənarda keçirir. Ənənəsinə sadiq qalan kollektiv özünün 130-cü mövsümünə ötən gün Astara rayonunun Burzuband kəndində açıq məkanda yekun vurub.

Reyting.az
-ın məlumatına görə, bu münasibətlə keçirilən tədbiri giriş sözü ilə açan Astara Rayon İcra Hakimiyyəti (RİH) başçısının müavini, İctimai-siyasi və humanitar məsələlər şöbəsinin müdiri Firəngiz Sadıxova teatrın yaradıcı kollektivinə 130 illik yubileyi münasibətilə icra başçısı Qəzənfər Ağayevin təbrikini çatdıraraq truppanın bir neçə üzvünə RİH-nin Fəxri fərmanlarını təqdim edib.

Daha sonra teatrın direktoru Tofiq Heydərov mövsum ərzində görülmüş işlərdən və qarşıda duran vəzifələrdən danışıb.

Rəsmi hissədən sonra görkəmli Azərbaycan dramaturqu Cəfər Cabbarlının “Vəfalı Səriyyə, yaxud göz yaşı içində gülüş” tamaşası astaralı teatrsevərlərə təqdim olunub.

Ailə-məişət mövzusundakı tamaşada bir-birinə səmimi hisslər bəsləyən Səriyyə və Rüstəmin məhəbbəti ön planda təsvir olunur. Səhnə əsərində cəmiyyətin əsas mövcud problemləri, o cümlədən ictimai, əxlaqi-mənəvi inkişafa mane olan gerilik, mühafizəkar insanların çürük adətlərə sadiqliyi, pulun cəmiyyətə və əxlaqa göstərdiyi pozucu təsir kəskin tənqid atəşinə tutulur.

Quruluşçu rejissoru Xalq artisti Firudin Məhərrəmov, quruluşçu rəssamı Ramazan Ağayev, bəstəkarı Eldar Salayev olan tamaşada rolları Xalq artisti Qabil Quliyev, Əməkdar artist Sucəddin Mirzəyev, aktyorlar Aynur Əhmədova, Səyad Əliyev, Qızılgül Quliyeva, Əbülfəz Axundov, Tərlan Abdullayev, Emin Fərzullayev, Miraslan Ağayev, Təranə Fərəcova və Amil İbrahimli ifa ediblər.













Bölməyə aid digər xəbərlər
bütün xəbərlər
{sape_links}{sape_article}