İqbal Ağazadə: “Qarabağın işğalına dözsək, növbəti əraziləri itirəcəyik” - Fotolar
Tarix: 20-01-2020 17:28 | Bölmə: Siyasət
İqbal Ağazadə: “Qarabağın işğalına dözsək, növbəti əraziləri itirəcəyik”

Bakıda 35 saylı Xətai Seçki Dairəsindən deputatlığa namizəd, Ümid Partiyasının sədri İqbal Ağazadə seçicilərlə növbəti görüşünü keçirib.

Partiyadan Reyting.az-a verilən məlumata görə, Xətai rayonu, Gəncə prospektində baş tutan bu görüş də əvvəlkilər kimi izdihamlı keçib. Yüzlərlə sakin qarşısında çıxış edən İqbal Ağazadə bu seçki dairəsində mövcud olan problemlərdən, ümumən ölkənin qayğılarından və onları aradan qaldırmaq yollarından danışıb.

Əvvəlcə görüş iştirakçıları 1990-cı il yanvarın 20-nə keçən gecə sovet qoşunlarının Bakıda törətdiyi qırğın zamanı həlak olanların xatirəsini bir dəqiqəlik sükutla yad ediblər. 20 Yanvar faciəsi barədə danışan Qarabağ müharibəsi veteranı İqbal Ağazadə qeyd edib ki, hər zaman vətən yolunda şəhid olmağa hazırdır.

“Əgər biz tarixi yada salsaq görərik ki, Azərbaycan xalqı torpaqlarını itirib və buna dözüb. Bizim susmağımıza görə növbəti dəfə torpaqlarımıza göz dikdilər. Əgər biz Qarabağın işğalına da dözsək, növbəti əraziləri itirəcəyik. Biz torpaqlarımızı işğaldan azad etməliyik - sülh yolu ilə və ya müharibə yolu ilə.

20 yaşım olanda Qarabağda döyüşməyə getdim. 30 il keçib və əgər lazım olarsa indi də döyüşə getməyə hazıram”,- İqbal Ağazadə deyib.

Sonra İqbal Ağazadə sakinləri dinləyib, onların suallarını cavablandırıb. Sakinlər isə onu dəstəklədiklərini bildirərək seçkidə mütləq iştirak edəcəklərini vurğulayıblar.

İqbal Ağazadə: “Qarabağın işğalına dözsək, növbəti əraziləri itirəcəyik”
İqbal Ağazadə: “Qarabağın işğalına dözsək, növbəti əraziləri itirəcəyik”
İqbal Ağazadə: “Qarabağın işğalına dözsək, növbəti əraziləri itirəcəyik”скачать dle 10.5фильмы бесплатно




Bölməyə aid digər xəbərlər
{sape_links}{sape_article}