David Babayan: “...bizi daha böyük sarsıntılar və problemlər gözləyir”
Tarix: 26-11-2020 16:16 | Bölmə: Siyasət
David Babayan: “...bizi daha böyük sarsıntılar və problemlər gözləyir”

Müharibə mərhələsindən sonra Azərbaycan dövlətinin siyasi-diplomatik cəbhədə Dağlıq Qarabağı bütövlükdə nəzarətə götürmək üçün atacağı addımlar erməni siyasi çevrələrində müzakirə olunan əsas məsələlərdən biridir.

Reyting.az
xəbər verir ki, bu mövzuda bəzi erməni siyasətçiləri, hətta Azərbaycan dövlətinin ərazisində saxta “Artsax dövləti” yaratmağa cəhd edən cinayətkarlar da danışmağa başlayıblar.

Dağlıq Qarabağdakı separatçıların başçısı və hərbi cinayətkar Arayik Harutyunyanın “sağ əli” hesab olunan David Babayan bu mövzuda proqnozlarını səsləndirib.

Separatçı D. Babayan deyib ki, 44 günlük müharibədə Azərbaycan Qarabağın kifayət qədər böyük ərazilərini nəzarəti altına almağı bacarıb. Onun fikrincə, inzibati geosiyasətdə geniş təcrübəyə malik olan Azərbaycan yaxın dövrdə inzibati və geosiyasi xarakterli layihələr reallaşdırmağa başlayacaq.

Babayan, Azərbaycanın bu kontekstdə inzibati mərkəz, çox güman ki mərkəzi Şuşa olmaqla Qarabağ adı altında qurum yaradacağını istisna etməyib.

D. Babayanın fikrincə, Qarabağ adlı ortaq inzibati ərazi vahidi yaratmaq planları 1920-ci illərin sonlarında Azərbaycan tərəfindən hazırlanıb: “Beləliklə, keçmiş Dağlıq Qarabağ Muxtar Vilayətini ümumi Qarabağa daxil etməklə əslində, Dağlıq Qarabağın statusunu birdəfəlik ləğv etmək planı olub. Düşünürəm ki, Azərbaycan bənzər yolla gedəcək. Yəni Qarabağ adlı öz inzibati vahidlərini yaradacaq. Beləliklə, Dağlıq Qarabağı təkrarlayacaq formasiya vasitəsilə məsələni həll etməyə çalışacaqlar”.

Cinayətkarın iddiasına görə, Azərbaycanın son hədəfi “Ermənistan dövlətçiliyinin mənimsənilməsi və dağıdılmasıdır”.

D. Babayan əlavə edib ki, Ermənistan Azərbaycanın bu cür addımlarına hazır olmalıdır: “Düşüncəmə görə, burada hər şey bizdən, insanlarımızdan və baş verənlərdən dərs götürüb-götürməməyimizdən asılıdır. Əgər baş verənlərdən dərs almasaq, onda bizi daha böyük sarsıntılar və problemlər gözləyir”.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}