Prezident Administrasiyası rəhbərinin müavini Novruz Məmmədov ANS-in "Hesabat” verlişinin qonağı olarkən Rusiyanın xarici işlər naziri Sergey Lavrovun İrəvan səfərindən də danışıb.

N.Məmmədov Dağlıq Qarabağ ətrafında işğal olunmuş bir neçə rayonun qaytarılacağı haqda yayılan məlumatlarla bağlı suala cavabında deyib ki, bununla bağlı mövqeyimiz dəyişmir və heç vaxt da dəyişməyəcək: "Məsələ burada hansı mərhələlərdən keçmək lazım olmasındadır. Ümumiyyətlə, "Madrid prinsipləri”ndə bunların hamısı göstərilib. Azərbaycan ərazilərindən Dağlıq Qarabağ ətrafındakı 5 rayonun qaytarılması bir mərhələdə ola bilər. Sonrakı mərhələdə isə 2 rayonumuz qaytarıla bilər. Tarixi hələ müəyyən olunmamış bir vaxtda isə azərbaycanlı məcburi köçkünlərin Dağlıq Qarabağa qayıtmasından sonra, orada bir referendum keçirilə bilər. Danışıqların nəticələrinin nədən ibarət olduğunu biz biləndən sonra ona mövqe nümayiş etdirə bilərik”.