Deputat: “Artıq vəsait şəhid ailələrinin və müharibə əlillərinin sosial müdafiəsinə yönəldilməlidir”

Xəbər lenti

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

10:21 / 02-02-2026

Vergi və gömrük sahəsində yeni güzəştlə bağlı qərar imzalanıb

10:16 / 02-02-2026

Əli Əsədov qərar imzalayıb

10:12 / 02-02-2026

Bataqlıqların itirilməsi qlobal iqtisadiyyatı təhdid edir

09:57 / 02-02-2026

Cəlilabadda 49 yaşlı kişi qardaşının azyaşlı uşaqlarını baltalayıb - (Yenilənib)

09:55 / 02-02-2026

Əfqanıstan ŞƏT-də iştirakını bərpa edəcək

09:49 / 02-02-2026

OPEC+ martın əvvəlinədək neft hasilatını dondurub

09:40 / 02-02-2026

Meyxanaçı: "Hər şeyi darmadağın etdilər"

09:38 / 02-02-2026

“Sərhədsiz həkimlər”in Qəzzada işləməsi qadağan edilib

09:23 / 02-02-2026

Lənkərandakı yanğında bir nəfər həyatını itirib

09:18 / 02-02-2026

Mehriban Əliyeva gənclərə dəstək nümayiş etdirib

09:14 / 02-02-2026

Prezident Gənclər Günü münasibətilə paylaşım edib - Foto

09:09 / 02-02-2026

Tehran Vaşinqtonla razılığa gəlməyə hazırdır, amma...

09:03 / 02-02-2026

Tramp: Kanada 51-ci, Qrenlandiya 52-ci ştatımız olacaq

01:09 / 02-02-2026

Tramp BMT qərargahının Nyu-Yorkdan köçürülməsinə qarşıdır

00:59 / 02-02-2026

Zelenski danışıqlarla bağlı yeni detalları açıqlayıb

00:51 / 02-02-2026

Ceki Çan ölümündən sonra yayımlanacaq mahnı yazdırıb

00:45 / 02-02-2026

Lavrov: Avropa Rusiya ilə müharibəyə hazırlaşır

00:33 / 02-02-2026

Parisdə yəhudi məktəbinə hücum olub

00:22 / 02-02-2026

Bu gün Azərbaycanda Gənclər Günüdür

00:20 / 02-02-2026

Birinci xanım haqqında film yüksək gəlir gətirib - Foto

00:10 / 02-02-2026

Ukrayna üçün böyük hərbi yardım paketi hazırlanır

00:07 / 02-02-2026

Rusiya ilə Çin təhlükəsizlik vəziyyətini müzakirə edəcəklər

00:05 / 02-02-2026

Baş Qərargah rəisi ABŞ-da gizli məsləhətləşmələr aparıb

20:40 / 01-02-2026

"Qarabağ" "Turan Tovuz"u məğlub edib

18:09 / 01-02-2026

Göygöldə 33 yaşlı şəxs bıçaqlanıb

16:52 / 01-02-2026

Biləcəridən Ermənistana Rusiya taxılı daşıyan qatar yola düşüb

12:21 / 01-02-2026

Bölgələrə qar yağacaq, güclü külək əsəcək - Proqnoz

12:15 / 01-02-2026

İran parlamenti Aİ ölkələrinin silahlı qüvvələrini terrorçu qruplaşmalar kimi tanıyıb

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

13:37 / 28-01-2026

Bakının dörd qəsəbəsinə metro xətti çəkiləcək

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

14:09 / 28-01-2026

Çinin 48 hərbi nəqliyyat təyyarəsi İrana silah daşıyır

13:38 / 28-01-2026

Cəbrayıla növbəti köç karvanı gedib - (Yenilənib)

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

Deputat: “Artıq vəsait şəhid ailələrinin və müharibə əlillərinin sosial müdafiəsinə yönəldilməlidir”
Tarix: 20-02-2023 10:32 | Bölmə: Siyasət

Şirift ölçüsü:

Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyev Milli Məclisin son iclasında xəstəliyin Konstitusiyaya zidd olaraq “Sosial sığorta haqqında” qanunla sosial sığorta hadisəsi kimi nəzərdə tutulmadığını deyib. O, Dövlət Sosial Müdafiə Fondunun sərbəst vəsaitinin investisiyaya yönəldilməsinə dair hökumətin təkliflərinə qarşı çıxıb.

Reyting.az xəbər verir ki, Q. Həsənquliyev Milli Məclisdəki çıxışı ilə bağlı müsahibəsində deyib:

- Konstitusiyanın 38-ci maddəsinin 3-cü bəndində deyilir: “Hər kəs qanunla müəyyən edilmiş yaş həddinə çatdıqda, xəstəliyinə, əlilliyinə, ailə başçısını itirdiyinə, əmək qabiliyyətini itirdiyinə, işsizliyə görə və qanunla nəzərdə tutulmuş digər hallarda sosial təminat hüququna malikdir”. “Sosial sığorta haqqında” qanunun 4-cü maddəsində sosial sığorta hadisəsinə aşağıdakıların daxil olduğu göstərilir:

- pensiya yaşına çatmaq;

- əlilliyin müəyyən edilməsi;

- ailə başçısını itirmək;

- əmək qabiliyyətinin müvəqqəti itirilməsi (qanunvericiliklə müəyyən olunmuş dövr üçün);

- hamiləlik və doğum;

- uşağın anadan olması;

- uşağa qulluq;

- ölüm;

- sanatoriya-kurort müalicəsi zərurəti.

Göründüyü kimi, Konstitusiyaya zidd olaraq, xəstəliyə görə sığorta almaq hüququ qanunla nəzərdə tutulmur. Təcrübədə, xəstəliyə görə müavinət əmək qabiliyyətini müvəqqəti itirmək halı kimi qəbul olunur və buna görə ödəmə edilir. Halbuki bunlar Konstitusiyada ayrı-ayrı sığorta hadisələri kimi nəzərdə tutulur.

Bizdə xəstəliyə görə əmək qabiliyyətinin 31 faizdən çox itirilməsi əlillik yaradır və insanlara əlilliyə görə pensiya ödənilir, amma xəstəliyə görə əmək qabiliyyətinin 31 faizdən az itirilməsi sosial sığorta hadisəsi sayılmır və Konstitusiyaya zidd olaraq heç bir odəniş edilmir.

Dövlət sosial müdafiə fondunun sərbəst vəsaitlərinin investisiyaya yönəldilməsinə dair qanunun 19-cu maddəsinə əlavə edilməsi nəzərdə tutulan dəyişikliyə gəldikdə isə, onu deyə bilərəm ki, Dövlət Sosial Müdafiə Fondu Konstitusiyanın 109-cu maddəsinin 7-ci bəndinə uyğun olaraq Azərbaycan Respublikası Prezidenti tərəfindən dövlət büdcəsində icra hakimiyyəti üçün nəzərdə tutulmuş xərclər çərçivəsində nəzərdə tutulmuş mərkəzi icra hakimiyyəti orqanı kimi formalaşdırılıb. “Sosial sığorta haqqında” qanunun 19.1- ci maddəsində deyilir ki, sığorta vəsaitlərinin başqa məqsədlərə yönəldilməsinə yol verilmir. Əlavə olunan 19.1-1 -ci bənddə isə deyilir ki, sərbəst vəsait investisiyaya yönəldilə bilər. Ümumiyyətlə, dövlət hakimiyyət orqanlarının biznes fəalyyəti ilə məşğul olması yolverilməzdir. Bu halda isə investisiyalar nə qədər az riskli sahələrə yönəldilsə də, onun itirilməsi ehtimalı var. Dövlət Sosial Müdafiə Fondu özəl sosial-sığorta şirkəti deyil ki, biznes fəaliyyəti ilə məşğul olsun. Bundan başqa, 2023-cü il üçün sosial müdafiə xərclərini qarşılamaq üçün dövlət büdcəsindən sosial müdafiə fonduna təqribən 1.5 milyard manat vəsaitin ayrılması nəzərdə tutulub. Belə anlaşılır ki, hökumət sosial müdafiə fonduna artıq vəsait yönləndirir ki, investisiyaya yönəltsin. Büdcə gəlirləri imkan verirsə, bunun üçün Nazirlər Kabineti, iqtisadi inkişaf, maliyyə nazirliyi və həmin nazirliklərin strukturlarında yüksək ixtisaslı kadrlar var. Əgər artıq vəsait varsa, şəhid ailələrinin, müharibə əlillərinin, pensiyaçıların, tibb işçilərinin, müəllimlərin sosial müdafiəsinin gücləndirilməsinə yönəldilməlidir, investisiya kimi qoyulmamalıdır. Yoxsul insanların sosial müdafiəyə çox böyük ehtiyacı var.

Son vaxtlar mərkəzi icra hakimiyyəti orqanlarına Konstitusiyaya zidd olaraq göstərdikləri xidmətə görə özlərinin müəyyənlişdirdiyi haqq almaq səlahiyyəti verilir. Konstitusiyanın 73-cü maddəsinin 2-ci hissəsində düzünə göstəriş var ki, heç kim qanunda nəzərdə tutulmuş əsaslar olmadan və qanunda göstərilmiş həcmdən əlavə vergilər və başqa dövlət ödənişləri ödəməyə məcbur edilə bilməz. Dövlət orqanlarının göstərdikləri xidmətə görə qanunla müəyyən olunmuş həcmdə rüsum tutula bilər. “Dövlət rüsumu haqqında” qanunun 1-ci madəsi ilə tanış olun:

1.1. Dövlət rüsumu - dövlət orqanları və müvafiq icra hakimiyyəti orqanının yaratdığı qurumlar tərəfindən hakimiyyət səlahiyyətlərinin icrası zamanı göstərilən və hüquqi nəticələrin yaranmasına səbəb olan xidmətlərə və hüquqi hərəkətlərə görə (sənədlərin tərtibi, qeydiyyatı, razılıqların verilməsi və s.) ödənilən haqdır (ödənişdir).

Heç bir hüquqi (müvafiq icra hakimiyyəti orqanının yaratdığı qurum istisna olmaqla) və ya fiziki şəxs dövlətin adından bu Qanunun 1.1-ci maddəsinin birinci abzasında göstərilən hakimiyyət səlahiyyətlərini həyata keçirə bilməz.

1.2. Azərbaycan Respublikası Konstitusiyasının 73-cü maddəsinin II hissəsinə uyğun olaraq dövlət orqanları və müvafiq icra hakimiyyəti orqanının yaratdığı qurumlar qanunla nəzərdə tutulmuş əsaslar olmadan və qanunda göstərilmiş həcmdən əlavə vergilər və başqa dövlət ödənişlərini müəyyən edə bilməzlər.

1.3. Bu Qanunun 17.6-1-ci maddəsində nəzərdə tutulan hallar istisna olmaqla, Azərbaycan Respublikasının digər normativ hüquqi aktlarında dövlət rüsumunun məbləğləri və ödənilməsi qaydası ilə bağlı müddəalar nəzərdə tutula bilməz.

Çox təəssüf ki, dövlət idarəetməsinin fəlsəfəsinə zidd olaraq dövlət orqanları biznes subyektlərinə çevrilir, hərə gördüyü iş üçün haqq müəyyən edir.

- Təkliflərinizin nəzərə alınma ehtimalı varmı?

- Bu ehtimal sıfıra yaxındır. Amma ümid edirəm ki, peşəkar parlament üzvü və vicdanlı insan kimi tanıdığım İnsan Hüquqları Komitəsinin sədri Zahid Oruc və müvafiq komitənin sədri Musa Quliyev mənim qaldırdığım bütün məsələlərlə razılaşmasalar da, qanunvericilik təşəbbüsü subyekti ilə müzakirə edəcəklər.

Reyting.az

Ana səhifəyə dön