Separatçı Ruben Vardanyan sərhəddə saxlanılıb - (Yenilənib+)
Tarix: 27-09-2023 14:14 | Bölmə: Slayd
Separatçı Ruben Vardanyan sərhəddə  saxlanılıb - (Yenilənib+)

Bu gün mediada separatçı Ruben Vardanyanın Laçın dəhlizindən keçərkən Azərbaycan tərəfindən saxlanılması barədə məlumat yayılıb.

Reyting.az
-ın məlumatına görə, milyarder Ruben Vardanyanın ofisi onun həyat yoldaşı Veronika Zonabendin yaxın vaxtlarda açıqlama verəcəyini bildirib.

Veronika Zonabend həyat yoldaşı ilə əlaqənin kəsildiyini, həbs xəbərini Azərbaycan mediasında gördüyünü deyib.

O, başqa təfərrüatları açıqlamayıb.

Qeyd edək ki, erməni əsilli Rusiya vətəndaşı, milyarder Ruben Vardanyan Qarabağa sonradan köçmüşdü və separatçı rejimə müxtəlif dəstəklər verirdi. Onun Kremlin göstərişi ilə bölgəyə gəldiyi və Qarabağdakı separatçı rejimdən sonra Ermənistanda iqtidara gələcəyinin planlaşdırıldığı bildirilirdi.

***

“Ruben Vardanyan Azərbaycan hakimiyyəti tərəfindən tutulub”.

Reyting.az
-ın xəbərinə görə, bu barədə onun həyat yoldaşı Veronika Zonabend açıqlama verib.

“Bu səhər mənim ərim, xeyriyyəçi iş adamı və keçmiş “dövlət naziri” Ruben Vardanyan minlərlə digər erməni ilə birlikdə Qarabağı tərk etməyə cəhd edərkən sərhəddə Azərbaycan hakimiyyəti tərəfindən həbs edilib. Blokadanın on ayı ərzində Ruben erməni xalqı ilə çiyin-çiyinə dayandı, çətinliklərə dözdü və onlarla birlikdə sağ qalmaq üçün mübarizə apardı. Sizdən xahiş edirəm ki, ərimin azadlığa çıxması üçün mənimlə birlikdə dua edəsiniz”, - Zonabend açıqlamasında bildirib.

***

Sentyabrın 27-də “Laçın” dövlət sərhədindən buraxılış məntəqəsində Dövlət Sərhəd Xidmətinin hərbi qulluqçularının sayıqlığı nəticəsində ölkə ərazisinə qeyri-qanuni gələrək qondarma “Dağlıq Qarabağ Respublikasının Dövlət naziri” vəzifəsində çalışmış 1968-ci il təvəllüdlü Ruben Karleni Vardanyan Azərbaycan Respublikasından Ermənistan istiqamətində hərəkət edərkən saxlanılıb.

Reyting.az
xəbər verir ki, R. Vardanyan Dövlət Sərhəd Xidmətinin Çevik Hərəkət Qüvvələri əməkdaşlarının müşayiəti ilə Bakı şəhərinə gətirilib.

Saxlanılan şəxs barəsində müvafiq qərar qəbul edilməsi üçün aidiyyəti dövlət orqanlarına təhvil verilib.

ELÇİN




Bölməyə aid digər xəbərlər
18-07-2024, 14:03 Tramp Avropanı qorxudur

{sape_links}{sape_article}