Magistraturalara qəbul imtahanı keçirilib

Xəbər lenti

00:20 / 20-02-2025

Hollivud ulduzu oğlunun ssenarisi əsasında film çəkəcək - Foto

00:16 / 20-02-2025

ABŞ-nın vitse-prezidenti Zelenskiyə xəbərdarlıq edib

00:14 / 20-02-2025

Tramp avropalıları şoka salmağa çalışır

00:11 / 20-02-2025

Dini bayramda gərginlik: 3 nəfər ölüb, 36 yaralı var - Video

00:08 / 20-02-2025

Atəşkəs Ukraynada müharibənin sonu olmayacaq - Podolyak

00:05 / 20-02-2025

Nazir: Heç kim Ukraynanı təslim olmağa məcbur edə bilməz

00:01 / 20-02-2025

“Ulduz” “Genç Yürekler”de parladı! - Şəfa Vəli yazır

22:23 / 19-02-2025

Yeni filmdə baş rola çəkiləcək aktyorun adı bəlli olub - Foto

22:09 / 19-02-2025

Tramp Zelenskini diktator adlandırıb

21:51 / 19-02-2025

Zaqatalada ağacların qanunsuz kəsilməsi ilə bağlı cinayət işi açılıb

21:45 / 19-02-2025

Prezident Pakistan Senatının sədri ilə görüşüb

20:28 / 19-02-2025

İlham Əliyev Belarus Milli Assambleyası Respublika Şurasının sədrini qəbul edib - Foto

19:50 / 19-02-2025

Prezident İlham Əliyev İndoneziya Nümayəndələr Palatasının sədrini qəbul edib - Fotolar

18:13 / 19-02-2025

"Avroviziya 2025": Azərbaycanın mahnısı bəlli olub

18:01 / 19-02-2025

Bakıda APA-nın 15-ci plenar sessiyası: büdcə qəbul olunub - (Yenilənib)

17:46 / 19-02-2025

ABŞ qitələrarası ballistik raketi işə salıb

17:45 / 19-02-2025

Tofiq Yaqubluya 10 il həbs cəzası tələb olunur

17:37 / 19-02-2025

Ruslar Ukraynanın daha iki yaşayış məntəqəsini ələ keçirib

17:31 / 19-02-2025

Bakı Arbitraj Mərkəzi yaradılıb

17:17 / 19-02-2025

Lavrov Qafqaz və Mərkəzi Asiyadan olanların Rusiyada sıxışdırılmasını məqbul saymır

17:00 / 19-02-2025

AFFA yeni qərarlar verib, liqada format dəyişib

16:54 / 19-02-2025

Dövlət Agentliyinə 1,5 milyon manat ayrılıb - Sərəncam

16:36 / 19-02-2025

Fuad Muradova hökm oxunub

16:32 / 19-02-2025

ABŞ kəşfiyyatı: Putin sülhdə maraqlı deyil və bütün Ukraynanı fəth etmək niyyətindədir

16:13 / 19-02-2025

İlham Əliyev Xocalının Ballıca kəndində bir qrup sakinlə görüşüb - (Yenilənib) - Fotolar

16:12 / 19-02-2025

Müharibədə batmış doqquz sualtı qayıq tapılıb

16:09 / 19-02-2025

Tanınmış həkimlər məhkəmədə ifadə verəcək

15:59 / 19-02-2025

“Ukraynadakı döyüş meydanına qoşun göndərməyəcəyik” - Makron

15:58 / 19-02-2025

Nazir rəisi yeni vəzifəyə təyin edib

15:44 / 19-02-2025

İlon Maskı ölümlə hədələyən şəxs tutulub

Xəbər lentinin davamı

Ən çox oxunanlar

14:50 / 15-02-2025

Əməkdar jurnalist Yasin Qaraməmmədli vəfat edib

18:20 / 15-02-2025

ABŞ Ukraynaya qoşun göndərməyə hazırlaşır

19:36 / 15-02-2025

Avropalılar Qubadlı ilə həmsərhəd zonada müşahidə aparıblar - Foto

13:32 / 15-02-2025

Novruz və Ramazan bayramları ilə bağlı qeyri-iş günlərinin sayı artırılıb

00:16 / 16-02-2025

Azərbaycan Abxaziya bölgəsindəki qondarma seçkiləri tanımır

01:15 / 19-02-2025

Tramp Ər-Riyaddakı danışıqlarla bağlı bəyanat yayıb

09:38 / 15-02-2025

Rusiyada güclü zəlzələ baş verib

17:04 / 17-02-2025

Azər Qasımov prezidentin mətbuat katibi vəzifəsindən azad edilib

15:09 / 16-02-2025

Magistraturalara qəbul imtahanı keçirilib - (Yenilənib)

00:06 / 18-02-2025

İnsanın düşüncələrini deşifrə edən süni intellekt modeli hazırlayıblar

18:39 / 18-02-2025

İlham Əliyev Ağdama gedib - (Yenilənib)

17:29 / 17-02-2025

Müstəqil Dövlətlər Birliyi ölkələrində vəziyyət dəyişir

Magistraturalara qəbul imtahanı keçirilib - (Yenilənib)
Tarix: 16-02-2025 15:09 | Bölmə: Gündəm

Şirift ölçüsü:

Fevralın 16-da Dövlət İmtahan Mərkəzi (DİM) ali təhsil müəssisələrinin magistraturalarına qəbul imtahanı (I cəhd) keçiriləcək.

Reyting.az DİM-ə istinadla xəbər verir ki, imtahan Bakı, Sumqayıt, Abşeron, Naxçıvan, Gəncə, Mingəçevir və Lənkəranda, ümumilikdə 85 binada təşkil olunacaq.

Bakalavrların imtahan verəcəyi yer onun “Şəxsi kabinet”ində qeyd etdiyi faktiki yaşadığı məntəqəyə uyğun müəyyən olunur.

İmtahan bütün binalarda eyni vaxtda – saat 11:00-da başlanır. İmtahanın başlanmasına 15 dəqiqə qalmış saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmırlar.

Bildiyiniz kimi, imtahanda bakalavrların xarici dil üzrə dinləyib-anlama bacarıqları da yoxlanılır. İmtahan dinləmə mətninin səsləndirilməsi ilə başlanır. Mətnin səsləndirilməsinə hazırlıq və binada sakitliyin təmin olunması ilə əlaqədar imtahanın başlanmasına 15 dəqiqə qalmış hər kəs zalda olmalıdır.

İmtahanın müddəti 3 saat 30 dəqiqədir. İmtahanın başlandığı andan 3 saat sonra test tapşırıqlarının cavablandırılması üçün ayrılan vaxt başa çatır və cavab kartları zal nәzarәtçisi tәrәfindәn yığılır. Bundan sonra iştirakçılara yazı işi (esse) vәrәqlәri paylanılır. Esselərin yazılmasına 30 dəqiqə vaxt verilir.

İmtahan iştirakçılarının nəzərinə çatdırırıq ki, cavab kartındakı mәlumatlar optik qurğu vasitәsilә oxunur. Ona görə də optik qurğuların tələblərinə əsasən, cavab kartını qara vә ya tünd göy rәngdә yazan mürәkkәb axıtmayan diyircәkli qәlәmlә, yaxud tünd rəngdə yazan sadә karandaşla doldurmaq lazımdır. Cavablar üçün nəzərdə tutulmuş dairələrin içi göstərilən növ qələmlərlə və ya karandaşla tam qaralanmalıdır. Təlimata uyğun olmayan formada qeyd olunmuş cavablar, o cümlədən cavabın optik qurğu tərəfindən səhv kimi nəzərə alınması ilə nəticələnən düzəlişlərə (məsələn qapalı sualda iki dairənin qaralanması və s.) baxılmayacaq. Bununla bağlı tövsiyə olunur ki, cavab kartında cavabları tam əmin olduqdan sonra qeyd edin və ya cavab kartında imtahan bitənədək hər hansı düzəliş etmək imkanının olması üçün dairələri karandaşla qaralayın. Cavab kartını zədələmək vә cırmaq olmaz. İmtahan nəticələri ilə əlaqədar apellyasiya müraciətlərinə baxılarkən göstərilən hallarla bağlı hər hansı müraciət qəbul edilməyəcək.

İmtahan iştirakçıları “Yaddaş kitabçası” ilə buradan tanış ola bilərlər.

İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. İştirakçılardan imtahan binasına əlavə əşyaları gətirməməyi xahiş edirik. Bütün bunlar buraxılış rejimi işinin səmərəli təşkilinə və onun vaxtında başa çatdırılmasına mane olur.

Məlumat üçün qeyd edək ki, ərizələrin qəbulu internet vasitəsilə yanvarın 13‑dən 27-dək aparılıb. İmtahanda iştirak etmək üçün 21926 bakalavr ərizə təqdim edib. Onlardan 20057 nəfər Azərbaycan bölməsi, 1869 nəfər rus bölməsi üzrə imtahan verəcək. Bakalavrlardan 14017-si cari ilin, 7909-u isə əvvəlki illərin məzunlarıdır, 49 nəfər xarici ölkə vətəndaşıdır.

Qəbul imtahanı Bakıda 62, Sumqayıtda 6, Abşeronda 4, Gəncədə 6, Naxçıvanda 2, Mingəçevirdə 3, Lənkəranda 2 binada təşkil olunacaq. Bakıda 15960, Naxçıvanda 540, Gəncədə 1458, Sumqayıtda 1627, Abşeronda 1078, Mingəçevirdə 838, Lənkəranda 425 bakalavrın imtahan verəcəyi gözlənilir. İmtahanın idarə olunmasına 85 ümumi rəhbər, 241 imtahan rəhbəri, 1989 nəzarətçi, 294 buraxılış rejimi əməkdaşı (mühafizə) cəlb olunacaq.

İmtahanda iştirak etmək üçün qeydiyyatdan keçmiş bakalavrlar fevralın 6-dan etibarən DİM-in internet saytına daxil olub “Şəxsi kabinet”in istifadəçi adı və parolundan istifadə etməklə “İmtahana buraxılış vərəqəsi”ni çap edirlər. Burada iştirakçının imtahan verəcəyi şəhər, bina və digər məlumatlar qeyd olunur.

Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər:

- Şəxsiyyəti təsdiqləyən sənədin əslini;

- “İmtahana buraxılış vərəqəsi”ni.

Göstərilən sənədlər arasında uyğunsuzluq aşkarlanan, yaxud həmin sənədlərdən biri olmayan şəxslər imtahana buraxılmayacaqlar.

Hazırda imtahanlarda iştirak edəcək nəzarətçilər, imtahan rəhbərləri və mühafizə əməkdaşları ilə təlim-seminarlar keçirilir. Bütün imtahan binaları yoxlanılır, zallarda bakalavrların rahat imtahan verməsi üçün zəruri şərait yaradılır. Təhlükəsizliyin təmin edilməsi məqsədilə fevralın 15-də imtahan mərkəzləri, zallar, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək.

***

Bu gün Dövlət İmtahan Mərkəzi ali təhsil müəssisələrinin magistraturalarına qəbul imtahanı (1-ci cəhd) keçirib.

Reyting.az-ın məlumatına görə, imtahan Bakı, Sumqayıt, Abşeron, Naxçıvan, Gəncə, Mingəçevir və Lənkəranda, ümumilikdə 85 binada təşkil olunub.

İmtahan saat 11:00-da başlanıb və 3 saat 30 dəqiqə davam edib.

Məlumat üçün qeyd edək ki, imtahanda iştirak etmək üçün 21926 bakalavr ərizə təqdim edib. İlkin məlumatlara əsasən, 3 nəfərdə mobil telefon aşkar olunub. 1 nəfərdə isə qanunla istifadəsi və satışı qadağan olunan mini kameralı eynək, xüsusi ötürücü qurğu və qulaqlıq aşkar olunub. Müvafiq hallar protokollaşdırılaraq həmin şəxslər imtahandan xaric olunublar. Hazırda qeyd olunan qayda pozuntuları ilə bağlı araşdırma aparılır. Bir daha imtahan iştirakçılarını bu cür hərəkətlərdən çəkinməyə çağırır və bu hərəkətlərə yol vermiş şəxslər, onları bu işə təhrik edənlərlə bağlı hüquq-mühafizə orqanlarına müraciət ediləcəyini nəzərinizə çatdırırıq.

Fevralın 17-dən etibarən DİM-də imtahan materiallarının emalına başlanılacaq. İmtahan nəticələri 2 mərhələdə elan olunacaq. Yaxın 3 gün ərzində qapalı və cavabları kodlaşdırılan açıq tipli tapşırıqların nəticələri elan olunacaq. Yekun imtahan balı isə xarici dil fənləri üzrə esse tapşırıqları yoxlanıldıqdan sonra – 6 həftə ərzində təqdim olunacaq.

Qeyd edək ki, imtahan başa çatdıqdan sonra iştirakçılara sual kitabçalarını özləri ilə aparmağa icazə verilib.

İmtahanda istifadə edilmiş test tapşırıqlarının (qapalı və kodlaşdırıla bilən açıq tipli) düzgün cavabları sabah gün ərzində Mərkəzin saytına yerləşdiriləcək.

İmtahanda iştirak edənlər test tapşırıqlarının izahının elektron versiyasını (pdf formasında) da sabah DİM-in internet saytının "Xidmətlər" bölməsində > “E-xidmətlər” > "DİM-in nəşrlərinin elektron versiyalarının satışı" > “Test tapşırıqlarının izahı” xidməti vasitəsilə ödəniş etməklə əldə edə biləcəklər. (Xidmətə keçid: http://eservices.dim.gov.az/ejurnal/).

Ana səhifəyə dön