17:38 / 28-03-2024
Əməkdar artist vəfat edib
İdxal zamanı bəzi mallara görə güzəşt olacaq - Foto
Tarix: 27-07-2019 01:26 | Bölmə: Slayd
İdxal zamanı bəzi mallara görə güzəşt olacaq

“Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması Qaydaları”na dəyişikliklərin edilməsi gözlənilir. Reyting.az xəbər verir ki, bu barədə Mərkəzi Bankın İdarə Heyətinin sədri Elman Rüstəmov mətbuat konfransında deyib. Onun sözlərinə görə, istehsalı 270 gündən artıq müddətə mümkün olan avadanlıqların ölkəyə idxalı zamanı sahibkarlara güzəşt ediləcək:

“Bu qaydalar bütövlükdə ölkənin öz valyuta ehtiyalarından səmərəli istifadə etmək məqsədi güdür. Tutaq ki, siz çox mürəkkəb xaratkerli bir avadanlıq gətirirsiz. Amma xarici şirkət müqavilədə göstərir ki, onu 1 ilə və ya 1 il yarıma istehsal edə bilər. O müqavilə öncədən İqtisadiyyat Nazirliyinə təqdim ediləcək. Orada qeydiyyata alınacaq və bu barədə banka göstəriş gələcək. Bank valyuta nəzarəti agenti olduğuna görə, o əməliyyata nəzarət müqavilədə qoyulan müddətdə həyata keçiriləcək. Ancaq cari əməliyyatlar üçün avans ödənişi günündən 270 gün tələbi qüvvədə qalır”.

İdxal zamanı bəzi mallara görə güzəşt olacaq
E. Rüstəmov

Qaydalara daha bir dəyişiklik kiçik məbləğli kənd təsərrüfatı məhsullarının idxalı ilə bağlı olacaq. E. Rüstəmov qeyd edib ki, bununla bağlı Kənd Təsərrüfatı Nazirliyindən Mərkəzi Banka müraciət daxil olub: “Burada çox kiçik məbləğlər üçün də cərimələr tətbiq edilir. Biz məbləği 5 min dollara qədər olan vəsaitə görə, xüsusilə, kənd təsərrüfatı mallarının idxaçılarının cəzalandırılmasına qarşıyıq. Bu istiqamətdə müzakirələr gedir. Bununla bağlı Mərkəzi Bank rejimdə dəyişiklik etməyə razılıq verib”.

Xatırladaq ki, rezidentlərin əməliyyatların aparılması qaydalarına görə, xaricdən mal alarkən ödənişin aparıldığı gündən 270 gün müddətində malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənəd banka təqdim olunmalıdır. Həmin müddət ərzində mallar idxal edilmədikdə qabaqcadan ödənilmiş avans məbləği geri qaytarılmalıdır. Əks halda banklar sənədləri Maliyyə Bazarlarına Nəzarət Palatasına təqdim edir və yekunda idxalçı şirkətlər cərimələnir.

E. Rüstəmov onu da deyib ki, həmin qaydaların qəbul edilməsi ilə bağlı qərar böhran dövründə antiböhran tədbiri kimi qəbul edilib. Bunun üçün real əsaslar da olub: “Analiz göstərdi ki, bizim ödəmə balansında 4-5 milyard dollar məbləğində vəsait mal almaq adı ilə xaricə köçürülüb, amma həmin mallar ölkəyə daxil olmayıb. Belə olan halda ödəmə balansında bizim xarici ölkədə kreditimizin olduğunu göstərir. Bunun qarşısını almaq, həmin vəsaitlərin hansı məqsədlərlə xaricə köçürülməsini müəyyən etmək üçün Mərkəzi Bank bu qaydaları qəbul edib. Əgər bu, real ticarət əməliyyatıdırsa, 180 gün ərzində müqavilə ilə həmin mallar ölkəyə daxil olmalıdır. Sonradan bəzi təklifləri nəzərə alaraq biz, həmin müddəti 270 günədək artırdıq. Ancaq bundan artıq həmin müddətin genişləndirilməsinə qarşıyıq. Çünki köhnə mənzərənin təkrarına gətirib çıxarır. Azərbaycanın vəsaitləri xaricə köçürülür, əvəzində mal gəlmir. Belə çıxır ki, həmin vəsaitlə köçürülən ölkənin iqtisadiyyatını kreditləşdiririk”.




Bölməyə aid digər xəbərlər
{sape_links}{sape_article}