18:05 / 21-04-2021
Rusiya ABŞ-a nota verib
ABŞ və Türkiyə arasında kritik hərbi-siyasi və ticarət dialoqu: diqqət Ərdoğan-Bayden görüşündə!
Tarix: 03-04-2021 14:09 | Bölmə: Slayd
ABŞ və Türkiyə arasında kritik hərbi-siyasi və ticarət dialoqu: diqqət Ərdoğan-Bayden görüşündə!

ABŞ-da hakimiyyətə gələn Bayden administrasiyası Türkiyə ilə təmaslarda diplomatiyaya ağırlıq vermək xətti seçib. Prezident Baydenin iqtidara gəlməsindən keçən bir neçə ay ərzində Vaşinqton-Ankara xəttində ciddi hərbi-siyasi və iqtisadi təmaslar müşahidə olunur.

Reyting.az
xatırladır ki, Donald Trampın ənənəvi Amerika müttəfiqləri ilə əlaqələrini korlayan siyasətinə əks kurs yeridən Bayden hökuməti Türkiyəyə münasibətdə diplomatiya xəttini seçir. Məhz bu səbəbdəndir ki, son dövrlər ABŞ və Türkiyənin üç nazirinin geniş dialoqu olub.

Xatırladaq ki, bir neçə gün əvvəl Türkiyənin Müdafiə naziri Hulusi Akarla amerikalı həmkarı Austin arasında müzakirələr aparılıb. Bu görüş zamanı əsas müzakirə Ankaranın Moskvadan aldığı “S-400” raket kompleksi, regional məsələlər, təhlükəsizlik riskləri və NATO müttəfiqliyi ətrafında olub. ABŞ tərəfi Türkiyəni “S-400” komplekslərindən imtina etməyə çağırıb, Ankara isə müttəfiqlik çərçivəsində problemin həllinə diqqət yönəldib.

ABŞ-Türkiyə arasında digər bir əlaqə Ankara hökumətinin Ticarət naziri Ruhsar Rekcanın amerikalı həmkarı Tai ilə videokonfransdır. Müzakirə əsasən vergilər, qlobal iqtisadi problemlər, ticarət əməkdaşlığı və faydalı qazıntılar ətrafında aparılıb.

Diplomatik təmasların üçüncü qolu Türkiyənin Xarici işlər naziri Mövlud Çavuşoğlu ilə ABŞ dövlət katibi Antoni Blinken arasında NATO qərargahında baş tutub. Bu görüşdə əsasən iki ölkə arasındakı münasiətlərdə sınaqlar və imkanlar diqqətdə olub.

İki ölkə arasında nazirlərin sıx dialoqunun olmasına rəğmən prezident Ərdoğan və Bayden arasında birbaşa təmas hələlik qeydə alınmayıb. Prezidentlər səviyyəsində görüşün olmamasının səbəb kimi hər iki tərəfin nəticəli görüş istəyində olması, nazirlərin təmaslarının bunun üçün əsas hazırlaya biləcəyi siqnalının olmasıdır. İndi diqqət önümüzdəki günlərdə Bayden-Ərdoğan arasında təmasın olub-olmayacağına yönəlib. Bəzi qaynaqlar belə təmasın olacağını qeyd edirlər.

Reyting.az




Bölməyə aid digər xəbərlər
bütün xəbərlər
{sape_links}{sape_article}