17:38 / 28-03-2024
Əməkdar artist vəfat edib
Daha bir ölkənin Rusiyaya silah göndərdiyi bəlli olub - Yeni sanksiyalar gözlənilir
Tarix: 21-01-2023 17:56 | Bölmə: Slayd
Daha bir ölkənin Rusiyaya silah göndərdiyi bəlli olub - Yeni sanksiyalar gözlənilir

ABŞ Milli Təhlükəsizlik Şurasının Strateji Kommunikasiyalar üzrə koordinatoru Con Kirbi Şimali Koreyanın Rusiyaya silah göndərdiyini bildirib. Peykdən çəkilmiş fotoşəkilləri paylaşan C. Kirbi deyib ki, silahlar Rusiyanın “Vaqner” muzdlu şirkəti vasitəsilə göndərilir və Ukraynaya qarşı istifadə üçündür.

Reyting.az
-ın məlumatına görə, C. Kirbi qeyd edib ki, Vaşinqton Şimali Koreyanı qınayır və “Vaqner”ə bu çatdırılmaları dərhal dayandırmaq üçün addımlar atmağı düşünür.

Vaşinqton rəsmisi əlavə edib ki, Şimali Koreyadan Rusiyaya silah göndərilməsi Birləşmiş Millətlər Təşkilatının Təhlükəsizlik Şurasının qərarlarına ziddir. Ona görə də bu pozuntularla bağlı məlumatları Təhlükəsizlik Şurasının Şimali Koreya Sanksiya Komitəsinin ekspertlər heyəti ilə paylaşıblar.

Şimali Koreyanın keçən il Ukraynaya qarşı istifadə edilmək üçün “Vaqner” qrupuna silah göndərdiyini göstərən peyk fotoşəkillərini paylaşan C. Kirbinin sözlərinə görə, fotoşəkillər sübut edir ki, Şimali Koreyadan Rusiyaya silahlar qatarlar vasitəsilə çatdırılıb.



C. Kirbi bəyan edib ki, ABŞ Maliyyə Nazirliyi “Vaqner” qrupunu “beynəlxalq cinayət təşkilatı” kimi tanıyıb və gələn həftə qruplaşmaya qarşı yeni sanksiyalar tətbiq olunacaq.

Xatırladaq ki, keçən ilin noyabr ayında C. Kirbi Şimali Koreyanı Moskvanın Ukraynadakı müharibəsini dəstəkləmək üçün gizli şəkildə Rusiyaya çoxlu sayda artilleriya mərmisi verməkdə ittiham etmişdi. Şimali Koreya Müdafiə Nazirliyindən verilən açıqlamada isə ABŞ-ın Şimali Koreya ilə Rusiya arasında silah mübadiləsi olduğuna dair şayiə yaydığını əsas gətirərək bəyan edib ki, ABŞ Birləşmiş Millətlər Təşkilatının Təhlükəsizlik Şurasının müraciət etməsinə icazə verərək bu cür hərəkətlərin qarşısını ala bilər.

Pxenyn əlavə etmişdi ki, bu iddialar Şimali Koreyaya qarşı əsassız sanksiyalara nail olmaq üçün səsləndirilir: “Biz bunu Şimali Koreyanın beynəlxalq arenada imicinə xələl gətirmək üçün düşmən cəhdlərinin bir hissəsi kimi görürük. Bir daha təkrar edirik ki, Rusiya ilə heç vaxt silah mübadiləsi aparmamışıq və gələcəkdə də belə planlarımız yoxdur”.

E. KAMAL
Reyting.az




Bölməyə aid digər xəbərlər
{sape_links}{sape_article}