Türkiyədə prezident seçkiləri: Ərdoğan qalib gəlib - Yenilənib
Tarix: 29-05-2023 00:14 | Bölmə: Gündəm
Türkiyədə prezident seçkiləri: Ərdoğan qalib gəlib - Yenilənib

Türkiyədə prezident seçkilərinin ikinci turu üzrə səsvermə başlayıb.

Reyting.az
Türkiyə KİV-lərinə istinadla xəbər verir ki, mayın 28-də yerli vaxtla səhər saat 08:00-da seçki məntəqələri açılıb.

Prezident vəzifəsi uğrunda “Cümhur İttifaqı”nın namizədi, hakim Ədalət və İnkişaf Partiyasının sədri, hazırkı dövlət başçısı Rəcəb Tayyib Ərdoğan, “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu mübarizə aparır.

“Cümhur İttifaqı”nda Ədalət və İnkişaf Partiyası, Milliyyətçi Hərəkat Partiyası, Böyük Birlik Partiyası, Yenidən Rifah Partiyası, Hür Dava Partiyası və Demokratik Sol Partiyası birləşib.

“Millət İttifaqı”nda Cümhuriyyət Xalq Partiyası, İYİ Partiya, Səadət Partiyası, Gələcək Partiyası, Demokrat Partiyası və Demokratiya və İnkişaf Partiyası (DEVA) təmsil olunur.

Səsvermə yerli vaxtla saat 17:00-da başa çatacaq.

***

Bu gün Türkiyədə keçirilən  prezident seçkilərinin 2-ci turunda səsvermə yerli vaxtla saat 17.00-da (Bakı vaxtı ilə saat 18.00)  başa çatıb.

Reyting.az
Türkiyə mediasına istinadla xəbər verir ki, seçki qadağası qaldırıldıqdan sonra nəticələr canlı yayımda elan olunbacaq.

Xatırladaq ki, mayın 14-də keçirilən prezident seçkilərində namizədlərin mütləq səs çoxluğu əldə edə bilməməsi səbəbindən Türkiyə yeni prezidentini müəyyən etmək üçün yenidən sandıq başına gedib. 

***

Bu gün Türkiyədə keçirilən  prezident seçkilərinin 2-ci turunda səsvermə yerli vaxtla saat 17.00-da (Bakı vaxtı ilə saat 18.00)  başa çatıb.

Reyting.az
xəbər verir ki, açılan sandıqların sayı 42 faizə çatıb.

İlkin məlumata görə, Ərdoğan 9.501.961 səslə 58 faizlə irəlidə, Kılıçdaroğlu isə 6.881.951 səslə 42 faiz toplayıb.

Səslərin sayımı davam edir.

***

Bu gün Türkiyədə keçirilən prezident seçkilərində səslərin 96.0 faizi açıqlanıb.

Reyting.az
xəbər verir ki, Ərdoğan 26.345.859 səslə 52.24 faizlə irəlidə gedir, Kılıçdaroğlu isə 24.231.855 səslə 47.76 faiz toplayıb.

Səslərin sayımı davam edir.

***

Seçkilərin ikinci turunun ilkin nəticələrinə görə Rəcəb Tayyib Ərdoğan Türkiyə prezidenti seçilib.

Reyting.az
xəbər verir ki, bunu Türkiyə Yüksək Seçim Kurulu başçısı Ahmet Yener bildirib.

A. Yenerin sözlərinə görə, Ərdoğan səslərin 52,14 faizini toplayıb.

İkinci namizəd Kamal Kılıçdaroğlu 47,86 faiz səs qazanıb.

Reyting.az




Bölməyə aid digər xəbərlər
14-06-2024, 00:11 Bu gün "Son zəng"dir

{sape_links}{sape_article}