Müğənni: “Toylarda böyürə-böyürə oxuyurlar”
Tarix: 23-07-2021 09:18 | Bölmə: Şou-biznes
Müğənni: “Toylarda böyürə-böyürə oxuyurlar”

“Pul verib proqramlara çıxan insanlar yanında oturanda, bilmirsən aparıcıya sözünü deyəsən, ya telekanal rəhbərinə. Çox şeylər məni sıxdı, çıxıb getdim”.

Reyting.az
xəbər verir ki, bunu Türkiyədə yaşayan müğənni Bəturə Hüseynova Yenicag.az-a açıqlamasında deyib.

B. Hüseynova Azərbaycandan getməsinin səbəblərindən də danışıb.

Sənətçi musiqi aləmində baş alıb gedən hərc-mərclikdən danışaraq, bezdiyini, yorulduğunu bildirib:

“11 yaşımdan musiqi cameəsində olan bir insanam və sənətçi kimi yetişdirildiyim üçün yoldan keçən bir müğənni kimi deyil, hər şeyə bir qədər fərqli yanaşmağa məcburam.

Qatıldığım proqramlarda çox vaxt aparıcılar bilməyib məni Əməkdar, ya Xalq artisti kimi təqdim edirdi. Özümdən soruşduqda fəxri adımın olmadığını demişəm”.

B. Hüseynova bildirib ki, fəxri ad verilən müğənnilərin bir çoxunun musiqi anlayışı çox zəifdir: “Heç doğru-düzgün səsləri də yoxdur. Bir-iki ana, qardaş, bacı haqqında muğam əzbərləyib, “sənətkaram” deyib, toylarda bağıra-bağıra da yox e, üzr istəyirəm ifadəmə görə, böyürə-böyürə oxuyurlar. Milləti də aldadırlar. Millətin də özü aldanmağa meyllidir. Elə bilir ki, həmin şəxs sənətkardır.

Əsl sənətkarların heç biri çörək qazana bilmir. Belələri ilə niyə çiyin-çiyinə çalışım? Artıq insanda həvəs də qalmır çalışmağa. Sənətimdən danışır, sənətkarsan deyirlər. Amma baxırsan ki, səndən sonra gələn müğənninin qarşısında fişənglər atılır. Bəs bayaqdan sənətdən, sənətkardan danışırdız?

Pul verib proqramlara çıxan insanlar yanında oturanda, bilmirsən, aparıcıya sözünü deyəsən, ya telekanalın rəhbərinə. Belə şeylər məni çox sıxdı, çıxıb getdim. İstədim oğlumla daha çox vaxt keçirim. Pandemiya da bir yandan çətinliklər yaratdı.

Bütün mahnılarımı öz büdcəm hesabına etdim. Heç kimdən dəstək görmədim, mənimlə işləmək istəyində olanların saxtakarlığını gördüm”.




Bölməyə aid digər xəbərlər
{sape_links}{sape_article}