“Aurovizion” təmsilçimiz yerli şou-biznesdən üz döndərib
Tarix: 28-04-2018 10:01 | Bölmə: Şou-biznes
“Aurovizion” təmsilçimiz yerli şou-biznesdən üz döndərib

“Azərbaycanda qulaq asdığım müğənni yoxdur”.

Reyting.az
xəbər verir ki, bu sözləri “Aurovizion 2016” təmsilçimiz Səmra Rəhimli “APA TV”-nin “Show time” verilişində deyib.

O bildirib ki, Azərbaycanda heç bir müğənninin yaradıcılığı ilə maraqlanmır:

“Radionu açanda istər-istəməz səslərini eşidirsən. Amma mən daha çox xarici mahnılar səslənən radiolara qulaq asıram. Yerli ulduzlarımızın bəzilərini “İnstagram”da izləyirəm, amma mahnılarına qulaq asmıram. Beyonsun fanatıyam. Yəni mən xaricilərə qulaq asıram, onlardan ilham alıram”.

S. Rəhimli aparıcının “Aygün, Röya, Tünzalənin təqdim etdiyi yenilikləri izləmirsiz"- sualına isə belə cavab verib: “Onları görürəm, tanışlığım da var. Amma bütün günü oturub bu mahnıya qulaq asım, bu olmayıb. Belə bir şey yoxdur. Çünki hərənin öz kütləsi var”.

S. Rəhimli deyib ki, istedadlı gənc müğənnilərimiz olsa da, heç birini dinləmir:

“Mən bizimkilərdən fərqli olaraq, xarici müğənnilərin yeni çıxardığı mahnılardan daha tez xəbərdar oluram.

Televizora da baxmıram. Ancaq özümü göstərəndə izləyirəm. Bir sözlə, yerli şou-biznesi izləmirəm. Tanışlığım, hörmətim var, amma kiminsə fanatı deyiləm. Çünki mən xarici musiqilərin sədaları altında böyümüşəm. Anam bizə lay-lay demirdi, xarici musiqi dinlədirdi”.

İfaçı bildirib ki, Azərbaycanda ona rəqib olan müğənni yoxdur: “Bizim səhnədə mənə rəqib yoxdur. İndi bu sözümü xəbərlərdə qeyd edəcəklər. Deyəcəklər ki, Səmra özündən razıdır. Sadəcə, öz janrımda mənə rəqib yoxdur. Sabahısı gün biri çıxıb mənə desə ki, sən mənə rəqib deyilsən, buna gülərəm. Səmra brend olduğunu çoxdan deyib. Bu həqiqətdir, öz janrımda, stilimdə birinciyəm. Özümü brend hesab edirəm, keyfiyyətli işlər görürəm. Çünki insanların zövqün korlamıram. İnsanlara keyfiyyətli musiqi görsətməyə çalışıram. Onlara “belə bir musiqi var, buna qulaq asın”,- deməyə çalışıram. İnanıram ki, gələcəkdə insanlar belə musiqilərə qulaq asacaqlar.

Mən uşaq olanda düşünürdüm ki, niyə Azərbaycanda bir müğənni yoxdur ki, mən onların musiqilərinə qulaq asım. Heç olmasa o vaxt 1-2 müğənni var idi ki, mənim janrımda oxuyurdu, indi ümumiyyətlə yoxdur”.

S. Rəhimli bildirib ki, onun bu sözləri özündən razılıq kimi qəbul edilməməlidir: “Mənim gördüyüm işləri görsünlər, sonra mənəm-mənəm desinlər. 15 yaşından Azərbaycanda bütün musiqi müsabiqələrinin seçim turlarında olmuşam. Mən bu yerə çətinliklə gəlib çatmışam. Heç kim mənə deyə bilməz ki, sən burda nəsə etmisən. Bu yerlərə öz əziyyətimlə çatmışam. Heç kəs əlimdən tutmayıb. Elədiyim işləri eləsinlər, sonra danışarlar. Mənəm-mənəmlik eləməyə mənim haqqım var. Mən Azərbaycanı təmsil etmişəm”.




Bölməyə aid digər xəbərlər
{sape_links}{sape_article}