Polisin 50 il axtardığı şəxs... - O, ölüm yatağında olarkən sirrini açıb
Tarix: 05-02-2024 13:52 | Bölmə: Cəmiyyət
Polisin 50 il axtardığı şəxs... - O, ölüm yatağında olarkən sirrini açıb

Yaponiyada xərçəng xəstəliyindən əziyyət çəkən və ölüm yatağında olan şəxs 1970-ci illərdə yapon şirkətlərini bombalayan radikal qruplaşmanın üzvü olduğu güman edilən Satoşi Kirişimadır.

Reyting.az
-ın məlumatına görə, ölüm yatağında olan şəxs polisə bildirib ki, o, ölkənin ən çox axtarılan cinayətkarlarından biridir və 1970-ci illərdə ölkədə bombalı hücumlar həyata keçirən radikal qruplaşmanın üzvü olduğu üçün 50 ilə yaxındır hüquq-mühafizə orqanları tərəfindən axtarışdadır.

Bundan sonra təhlükəsizlik qüvvələri 70 yaşlı kişini sorğu-sual etmək üçün paytaxt Tokio yaxınlığındakı xəstəxanaya gəliblər. O, polisə ölümcül xərçəng xəstəliyinə tutulduğunu və təxəllüsü ilə deyil, əsl adı - Satoşi Kirişima kimi ölmək istədiyini bildirib. Eyni zamanda partlayışlarla bağlı əvvəllər məlum olmayan təfərrüatları açıqlayıb.

Dindirildikdən 4 gün sonra qoca dünyasını dəyişib. Onun və qohumlarının üzərində aparılan DNT testləri onların uyğun olduğunu ortaya çıxıb.

Milli Polis Agentliyinin rəhbəri Yasuhiro Tsuyuki deyib ki, Satoşi Kirişima olduğunu iddia edərək xəstəxanada ölən şəxsin şübhəli olduğuna inanırlar.

1954-cü ildə anadan olan Kirişma Tokioda bir universitet tələbəsi olaraq ekstremizmə üz tutub və 1970-ci illərdə böyük yapon şirkətlərini hədəf alan bir sıra bombalı hücumlar həyata keçirən “Şərqi Asiya Anti-Yapon Silahlı Cəbhəsi”nə qoşulub. Kirişimanın bir sıra partlayışlarda iştirak etdiyi güman olunur. O, 1975-ci ilin aprelində Tokionun dəbdəbəli Ginza rayonundakı bir binada saatlı bomba qurmaq və onu partlatmaq ittihamı ilə axtarışa verilib.

Qeyd olunur ki, Kirişima qrupun yüksək rütbəli üzvü olmasa da, 10 üzvdən heç vaxt ələ keçməyən yeganə şəxsdir. Bundan əlavə, Kirişimanın qaçdığı zaman nə mobil telefonu, nə də tibbi sığortası olub və tutulmamaq üçün maaşı nağd şəkildə verilib.

Məlumata görə, ötən cümə günü polis onun 40 ilə yaxındır işlədiyi tikinti şirkətinə basqın edib.

Xatırladaq ki, yuxarıda adı çəkilən cinayətkar qrupun iki üzvünə ölüm cəzası verilib. Bu insanlardan biri 2017-ci ildə ölüm hökmünü gözləyərkən dünyasını dəyişən qurucu Masaşi Daidoji idi.

Onu da qeyd edək ki, təhqiqat altında olan qrupun səkkiz üzvündən ikisi 1977-ci ildə Yaponiya hava yollarına məxsus təyyarəni qaçırıblar.

V. QULİYEV




Bölməyə aid digər xəbərlər
22-04-2024, 12:29 Sabah yağış yağacaq

{sape_links}{sape_article}