Kosmik raket tarixi rekorda imza atıb - Foto
Tarix: 29-08-2025 11:28 | Bölmə: Cəmiyyət
Kosmik raket tarixi rekorda imza atıb

İlon Maskın "SpaceX" şirkəti avqustun 28-də daha bir uğurlu buraxılış həyata keçirib. "Falcon 9" kosmik raketi Yer ətrafı orbitə "Starlink" peyk internet sisteminə aid olan yeni aparatları çıxarıb.

Reyting.az
xəbər verir ki, növbəti dəfə bu raketin "B1067" markalı birinci çoxistifadəli mərhələsi böyük bir rekorda imza atmaqla, 30-cu uçuşunu reallaşdırıb. Planlaşdırıldığı kimi, Atlantik okeanında yerləşən kosmik platformaya yumşaq eniş edib. Mütəxəssislərin fikrincə, "Falcon 9" bununla kosmik nailiyyətlər tarixində çox önəmli və yeni bir səhifə açıb.

"B1067" markalı "Falcon 9" kosmik raketi ilk dəfə 2021-ci ilin iyun ayında havaya qalxıb və Beynəlxalq Kosmik Stansiyaya yüklərin çatdırılması məqsədilə "Dragon" gəmisini orbitə daşıyıb. O vaxtdan bəri raket bu mərhələ ilə daha 29 buraxılış edib, yəni 19 dəfə "Starlink" peyklərini, 7 dəfə isə müxtəlif kosmik aparatları orbitə çıxarıb.



Bundan əlavə, "Falcon 9" iki dəfə "Crew Dragon" gəmisini pilotlu missiyası, astronavtla birlikdə Beynəlxalq Kosmik Stansiyaya göndərib. Bundan əvvəl isə bu etibarlı kosmik raket çox çətin bir yük missiyasını icra edib.

Milyarder İlon Maskın "SpaceX" şirkətinə məxsus olan rekordçu "Falcon 9" kosmik raketi bütün dünyada 30 uğurlu uçuş və eniş edən yeganə raketdir.

Oqtay QORÇU




Bölməyə aid digər xəbərlər