İran regenerativ tibb sahəsində dünya üzrə reytinq cədvəlində yeddinci yerə yüksəlib.

Reyting.az yerli mətbuata istinadla bildirir ki, 6 yeni hüceyrə terapiyası preparatına, yəni "ATMP" tibb cihazına yeni lisenziya alınması nəticəsində İran İslam Respublikası bu ilin hesabatına əsasən dünya ölkələri sırasında sürətlə önə çıxıb. Bununla da İran səhiyyəsi əldə etdiyi uğurlar hesabına regenerativ tibb sahəsində elmi yeniliklərə imza atmaqla, 12-yerdən 7-ci pilləyə yüksələ bilib.

Mütəxəssislərin sözlərinə görə, yeni preparatlar artıq sınaqlardan uğurla keçib və bəzi ağır xəstəliklərin müalicəsinə yönəlib. Tibb üzrə alimlər, həmçinin yerli, eyni zamanda xarici, xüsusilə avropalı ekspertlər İran istehsalı olan keyfiyyətli dərman preparatlarının çox böyük ixrac potensialı olduğunu dəfələrlə vurğulayıblar.

Rəsmi məlumatda qeyd olunur ki, dünyada lisenziyalı İnkişaf Etmiş Terapiya Tibb Məhsulu, yəni hüceyrə terapiyasında və canlı hüceyrələrin xəstəliklərinin müalicəsində istifadə olunan, eyni zamanda immunoterapiya vasitəsi kimi xərçəng hüceyrələri müalicəsində tətbiq edilən ən yaxşı 148 preparatdan 7-si İrana məxsusdur.

Oqtay QORÇU