Ömər Yaqi 

Nobel mükafatı laureatı Ömər Yaqi növbəti dəfə dünya elmini təəccübləndirib.

Reyting.az-ın məlumatına görə, İordaniya vətəndaşı olan və pedaqoji fəaliyyəti ilə bağlı uzun illərdir ABŞ-da yaşayan kimyaçı alim Ömər Yaqinin yeni ixtirası, havadan sutkada tonlarla içməli su əldə edə bilən qurğudur.

Kaliforniya Universitetinin professoru, 2025-ci ildə kimya sahəsindəki elmi nailiyyətlərinə görə Nobel mükafatına layiq görülmüş Ömər Yaqinin yeni kəşfi elm aləmində çox böyük marağa səbəb olub.

"The Guardian" nəşrinin məlumatına görə, yeni qurğu sutkada 1 000 litrə qədər təmiz su istehsal etmək gücünə malikdir.

Texnologiya ratikulyar kimyaya əsaslanır və hətta səhraya yaxın şəraitdə belə havadakı rütubətdən qidalanmağa, yəni "su ehtiyatı" toplamağa imkan verir.

Qurğu standart dəniz konteyneri ölçüsündədir və tam aşağı potensiallı istiliklə işləyir, həm də elektrik şəbəkələrinin, mərkəzləşdirilmiş su xətlərinin heç bir texniki yardımına ehtiyac olmadan tam gücü ilə fəaliyyət göstərir.

Tədqiqatçılar bildiriblər ki, yeni kəşf xüsusilə təbii fəlakətlərdən daha çox zərər çəkmiş ərazilər və quraq bölgələr üçün aktualdır.

Mütəxəssislər vurğulayıblar ki, Karib hövzəsində, o cümlədən 2024-cü ildə baş verən "Beryl" qasırğasından az sonra su qıtlığı ilə üzləşən Qrenada adalarında qısa zamanda bu yeni texnologiyanın tətbiqi yeganə, ən optimal və ən real çıxış yolu kimi görsənir.

Ömər Yaqi su çatışmazlığının qlobal miqyasına diqqət çəkməklə, həm də bu cür elmi həllərin iqlim çağırışları ilə bağlı mübarizədə ən vacib, həmçinin çox önəmli məsələ olduğunu vurğulayıb.

Onu da qeyd edək ki, BMT-nin yeni məlumatına görə, hazırda dünyada 2,2 milyard insan böyük təhlükə ilə üz-üzədir və təhlükəsiz içməli suya çıxışdan məhrumdur.

Oqtay QORÇU