Ukrayna prezidenti Vladimir Zelenski bu gün Rusiya tərəfindən həyata keçirilən kütləvi hava hücumunun təfərrüatlarını açıqlayıb.

Reyting.az xəbər verir ki, Zelenski Rusiya tərəfindən Ukraynanın vacib infrastruktur və yaşayış binalarına qarşı müharibə aparıldığına diqqət çəkib.

“Əksəriyyəti “Şahed” dronları olmaqla 420 dron və 11 ballistik raket də daxil olmaqla, müxtəlif tipli 39 raketlə ölkəmizə hücum edilib. Səkkiz bölgədə dağıntılar var. Bir çox mülki və çoxmərtəbəli binalara ziyan dəyib. Hazırda bu hücum nəticəsində onlarla insanın, o cümlədən uşaqların yaralandığı məlumdur”, - deyə Zelenski vurğulayıb.

Onun sözlərinə görə, ruslar Poltava bölgəsindəki qaz infrastrukturuna və Kiyev və Dnepr bölgələrindəki elektrik yarımstansiyalarına da zərbələr endiriblər. Xilasedicilər Çerniqov, Zaporojye, Xarkov, Kirovoqrad, Vinnitsa və Kiyev bölgələrində, eləcə də paytaxtda işləyirlər.

“Bu gün buraxılan raketlərin əksəriyyəti, son Rammsteyn təlimində razılaşdırıldığı kimi, tərəfdaşlarımızın bəzi raketləri hava hücumundan müdafiə sisteminə vaxtında göndərməsi sayəsində vurulub. Amma təəssüf ki, zərbələr də olub. Və bu o deməkdir ki, daha da fəal işləməliyik. Soyuqlar hələ tam səngiməyib və Rusiya enerji sektorumuzu pozmağa çalışarkən hava hücumundan müdafiə raketlərinə hər gün ehtiyac var”, - deyə Ukrayna prezidenti əlavə edib.

Xatırladaq ki, Ukraynada səhər saat 3:00 radələrində genişmiqyaslı hava hücumu xəbərdarlığı verilib. Daha sonra hücum başlayıb.

V. QULİYEV