Yanan avtomobili söndürən FHN əməkdaşlarını maşın vurub, ölən var
Tarix: 21-02-2026 10:44 | Bölmə: Cəmiyyət

Yanan avtomobili söndürən FHN əməkdaşlarını maşın vurub, ölən var

21 fevral 2026-cı ildə saat 06:00 radələrində Bakı-Astara magistral yolunda avtomobildə baş vermiş yanğının söndürülməsi zamanı xidməti vəzifələrini yerinə yetirərkən hərəkətdə olan yük avtomobilinin vurması nəticəsində Fövqəladə Hallar Nazirliyi (FHN) Dövlət Yanğından Mühafizə Xidmətinin Şirvan Şəhər Yanğından Mühafizə Dəstəsinin əməkdaşı 1984-cü il təvəllüdlü Piriyev Hakim Şahlar oğlu həyatını itirib.

Reyting.az xəbər verir ki, bu barədə FHN-nin Mətbuat xidmətindən bildiriblər.

Yük avtomobilinin vurduğu digər şəxs - Salyan Rayon Yanğından Mühafizə Hissəsinin əməkdaşı 1989-cu il təvəllüdlü Tağıyev Elşən İnsanağa oğlu müxtəlif dərəcəli bədən xəsarətləri alıb.

Məlumata görə, E.Tağıyevin həyati təhlükəsi yoxdur.

Faktla bağlı aidiyyəti qurumlar tərəfindən araşdırma aparılır.





Bölməyə aid digər xəbərlər