Təhsildə Keyfiyyət Təminatı Agentliyinin hüquqi statusu müəyyənləşib
Tarix: 26-03-2020 21:13 | Bölmə: Gündəm
Təhsildə Keyfiyyət Təminatı Agentliyinin hüquqi statusu müəyyənləşib

Nazirlər Kabineti “Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı”nda dəyişiklik edib.

Reyting.az xəbər verir ki, dəyişikliyə əsasən, Təhsildə Keyfiyyət Təminatı Agentliyi Təhsil Nazirliyinin strukturuna daxil olmayan tabeliyindəki qurum olacaq.

Agentlik siyahıda Təhsil Nazirliyinin tabeliyində olan digər təşkilatların sırasına daxil edilib.

Qeyd edək ki, “Azərbaycan Respublikası Təhsil Nazirliyinin fəaliyyətinin təkmilləşdirilməsi və “Azərbaycan Respublikasında bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında” Azərbaycan Respublikası Prezidentinin 2019-cu il 17 yanvar tarixli fərmanına əsasən, Təhsil Nazirliyinin tabeliyində olan Akkreditasiya və Nostrifikasiya İdarəsi Təhsil Nazirliyinin tabeliyində publik hüquqi şəxs statusu olan Təhsildə Keyfiyyət Təminatı Agentliyinə çevrilmə yolu ilə yenidən təşkil edilib/APA.




Bölməyə aid digər xəbərlər
{sape_links}{sape_article}