Britaniyalı gimnastlar məşqçilərin fiziki zorakılığı ilə üzləşiblər
Tarix: 07-07-2020 13:42 | Bölmə: İdman
Britaniyalı gimnastlar məşqçilərin fiziki zorakılığı ilə üzləşiblər

İngiltərə millisinin bir neçə sabiq gimnastı yerli ITV telekanalına sensasiyalı müsahibə verib.

"Report"un məlumatına görə, onlar məşqçilərin idmançılarla pis rəftar etdiklərini bildiriblər.

Gənclər arasında keçmiş Avropa çempionu Ketrin Layons iddia edir ki, məşqçi onu çubuqla döyüb və arıqlaması üçün bir həftə yemək verməyib. Həmçinin daim ona qışqırdığını və cəza olaraq otağa saldığını söyləyib. Layons stres səbəbindən karyerasını başa vurmaq məcburiyyətində qaldığını deyib.

Sidney-2000 Yay Olimpiya Oyunlarında İngiltərəni təmsil etmiş Britaniya Həmrəylik Oyunlarının qalibi Liza Meyson isə qeyd edib ki, 10 yaşından fiziki istismara məruz qalıb. İddiaya görə, məşqçilər ona güclü ağrıkəsici verərək məşq etməyə və zədəli vəziyyətdə yarışda iştiraka məcbur ediblər. Hətta bir dəfə Meyson sınıq ayaqla platformaya çıxmalı olub. 

Adının açıqlanmasını istəməyən digər bir gimnast isə psixoloji və fiziki zorakılığın onlar üçün norma olduğunu bildirib: "Məşqlərdə məni döyməsəydilər, həmin nəticələri göstərə bilərdimmi, açığı, bunu deyə bilmərəm".

Britaniya Gimnastika Federasiyası iddialarla bağlı idmançıların sağlamlığına zərər verən məşqçilərin istənilən davranışını qınayan bir açıqlama yayıb.

Xatırladaq ki, bir neçə il əvvəl yetkinlik yaşına çatmayanlara cinsi təcavüzə görə ABŞ Gimnastika Federasiyasının rəhbərliyi istefa verməyə məcbur olmuşdu. Əsas təqsirkar - komandanın fizioterapevti Larri Nassar isə 200 ildən çox həbs cəzası alıb.скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}