16:53 / 21-05-2024
Ruslar hücuma hazırlaşır
14:49 / 21-05-2024
"Mercedes" "Tesla"-ya uduzur
Azərbaycanın xarici ticarət dövriyyəsi açıqlanıb
Tarix: 16-04-2024 15:20 | Bölmə: İqtisadiyyat
Azərbaycanın xarici ticarət dövriyyəsi açıqlanıb

2024-cü ilin yanvar-fevral aylarında Azərbaycan Respublikasının hüquqi və fiziki şəxslərinin xarici tərəfdaşlarla ticarət əməliyyatları barədə statistik məlumat açıqlanıb. Məlumata görə, ticarət əməliyyatları dünyanın 138 ölkəsindəki tərəfdaşlarla həyata keçirib. Bu zaman 84 ölkəyə məhsul ixrac edilib, 134 ölkədən idxal olub.

Reyting.az
xəbər verir ki, gömrük orqanlarında qeydiyyatı aparılan, lakin gömrük rəsmiləşdirilməsi tam başa çatdırılmayan ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2024-cü ilin yanvar-fevral aylarında ölkənin xarici ticarət dövriyyəsi 6428,2 milyon ABŞ dolları təşkil edib.

Ticarət dövriyyəsinin 3981,6 milyon dolları və ya 61,9 faizi ölkədən ixrac olunmuş məhsullardır. Bunun 2446,6 milyon dollarını (38,1 faizini) idxal məhsullarının dəyəri təşkil edib və nəticədə 1535,0 milyon dollar məbləğində müsbət saldo yaranıb. 2023-cü ilin yanvar-fevral ayları ilə müqayisədə xarici ticarət dövriyyəsi faktiki qiymətlərlə 23,5 faiz, real ifadədə 15,0 faiz, o cümlədən idxal 19,9 faiz, ixrac isə 12,7 faiz azalıb.

Bildirilir ki, 2024-cü ilin yanvar-fevral aylarında qeyri neft-qaz məhsullarının ixracı əvvəlki ilin eyni dövrü ilə müqayisədə faktiki qiymətlərlə 30,1 faiz, real ifadədə 36,9 faiz azalaraq 455,0 milyon dollar olub.

Dövlət Gömrük Komitəsindən daxil olmuş məlumatlara görə, ölkənin xarici ticarət dövriyyəsinin 25,3 faizi İtaliya, 13,6 faizi Türkiyə, 8,2 faizi Rusiya, 7,4 faizi İsrail, 6,7 faizi Çin, 5,5 faizi Hindistan, 3,0 faizi Tailand, 2,4 faizi Almaniya, 1,8 faizi Gürcüstan, 1,7 faizi ABŞ, hər biri 1,5 faiz olmaqla Bolqarıstan, Rumıniya və Portuqaliya, hər biri 1,3 faiz olmaqla Çexiya və Fransa, hər biri 1,2 faiz olmaqla Yunanıstan və Polşa, hər biri 1,1 faiz olmaqla İran və Tunis, 12,7 faizi isə digər ölkələrlə ticarət əməliyyatlarının payına düşür.

V. QULİYEV





Bölməyə aid digər xəbərlər
{sape_links}{sape_article}