Əli Məsimli: “Təhsil kreditləri haqda qanun layihəmiz indiyə qədər ortalığa çıxarılmayıb”
Tarix: 30-09-2019 13:50 | Bölmə: İqtisadiyyat
Əli Məsimli: “Təhsil kreditləri haqda qanun layihəmiz indiyə qədər ortalığa çıxarılmayıb”

“Azərbaycan Prezidenti İlham Əliyev 10 min dollara qədər kreditlərin kompensasiya haqda təşəbbüsü dünyada bir çox ölkələr üçün nümunə hesab oluna bilər. Ancaq mən hesab edirəm ki, bu prosesi davam etdirmək lazımdır ki, bank sektorunda bu cür hallar yenidən baş verməsin. Bunun üçün bəzi qanunlara müəyyən dəyişikliklər təklif edirəm”.

Reyting.az
xəbər verir ki, bu fikirləri Milli Məclisin iclasında çıxış edən deputat Əli Məsimli səsləndirib.

Deputat bildirib ki, bankların real sektora yaxınlaşdırılması vacibdir: “Hazırda bank sektorunda kredit fəallığı var. Ancaq bu istehlak kreditləri ilə bağlıdır. Bu isə ölkə iqtisadiyyatının inkişafına xidmət etmir. Yəni bu kreditlərin real sektorla əlaqəsi yoxdur. İstehlak krediti alan şəxslər gedib xarici ölkə istehsalı olan məişət avadanlığı və ya başqa texnika alır. Əslində bununla həmin ölkənin iqtisadiyyatına dəstək olur. Fikrimcə, vacib olan real sektorla bağlıdır. Elə etməliyik ki, kredit alan şəxslər bunu real sektora yatırtsın”.

Əli Məsimli qeyd edib ki, istehsal kreditləri ilə bağlı yeni qanunun qəbuluna ehtiyac var: “Əgər bu qanunu bankların özləri hazırlasa sözsüz ki, öz maraqlarını əsas götürəcəklər. Fikrimcə, bu qanunu müvafiq qurumlar, müstəqil ekspertlər hazırlaya və Milli Məclis tərəfindən qəbul oluna bilər”.

Ə. Məsimli daha sonra qeyd edib ki, həmkarı Vahid Əhmədovla birlikdə Təhsil kreditləri haqda qanun layihəsi hazırlasalar da, bu layihə indiyə qədər ortalığa çıxarılmayıb.

Milli Məclisin sədri Oqtay Əsədov isə bildirib ki, sözügedən layihə parlamentin komitəsində müzakirə edilsə də, plenar iclasa çıxarılmayıb. Spiker bildirib ki, sözügedən qanun layihəsinə komitə yenidən baxaraq parlamentə təqdim edilməsi haqda göstəriş verib.

Reyting.azскачать dle 10.5фильмы бесплатно




Bölməyə aid digər xəbərlər
2-10-2019, 14:40 Neft yenidən bahalaşır

{sape_links}{sape_article}