19:12 / 23-10-2019
XİN başçısı istefa verib
70 mindən çox ailə ünvanlı sosial yardım alır
Tarix: 05-10-2019 12:29 | Bölmə: İqtisadiyyat
70 mindən çox ailə ünvanlı sosial yardım alır

2006-cı ilin yanvar ayından etibarən aztəminatlı ailələrə, yəni orta aylıq gəliri onlardan asılı olmayan səbəblərdən hər bir ailə üzvü üçün ehtiyac meyarının məcmusundan aşağı olan ailələrə ünvanlı dövlət sosial yardımının (ÜDSY) təyinatına başlanıb.

Reyting.az
-ın məlumatına görə, Əmək və Əhalinin Sosial Müdafiəsi Nazirliyindən bildiriblər ki, hazırda 70 mindən çox aztəminatlı ailə ünvanlı dövlət sosial yardımı ilə əhatə olunub.

Həmin ailə üzvlərinin sayının 300 min nəfərə çatdığı bildirilir. Bir ailəyə orta aylıq məbləğ 240 manata yaxındır. Bir ailəyə orta aylıq məbləğ 2018-ci ildə 174,6 manat olub. Bu yardımı alan ailələrdə olan 1 yaşa qədər uşağa görə isə əlavə 55 manat aylıq müavinət verilir.

Qeyd edək ki, ÜDSY üçün müraciət elektron formada aparılır. Vətəndaşlar təmsil etdikləri ailənin ünvanlı dövlət sosial yardımı almaq hüququna baxılması üçün internet əlaqəsi olan istənilən yerdən müraciət etmək imkanına malikdir. Vətəndaşların e-sistemə daxil etdikləri məlumatların təhlili, qərar qəbulu prosesi sistem tərəfindən avtomatik olaraq yerinə yetirilir. Nazirlik bildirir ki, bu, sosial yardım sistemində şəffaflığın, ünvanlılığın və operativliyin təmin olunmasının göstəricisidir.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}