Nazir: “İran Astarasının Azərbaycan Astarası ilə birləşdirilməsini istəyirlər”
Tarix: 01-11-2019 18:14 | Bölmə: İqtisadiyyat
Nazir: “İran Astarasının Azərbaycan Astarası ilə birləşdirilməsini istəyirlər”

İranın yollar və şəhərsalma üzrə naziri İslam Respublikasının üç mövsümdür ki, Azərbaycanla danışıqlar apardığını və müzakirə mövzularından birinin dəmir yolu ilə bağlı olduğunu bildirib.

Reyting.az
“IRNA”-ya istinadla xəbər verir ki, Məhəmməd İslami deyib: “İran Astarasının Azərbaycan Astarası ilə birləşdirilməsini istəyirlər və bu marşrut Rəştə qədər davam edəcək. Yəni rəsmi Bakı Rəştdən Astaraya qədər bu dəmir yolu xəttini davam etdirmək və bu işi sürətləndirmək istəyir”.

Nazir əlavə edib: “Bu mənada İrana yükdaşıma üçün Astara-Astara adlı bir terminal qurulacaq və oradan da qatarlarla mal və əmtəələr Azərbaycana daşınacaq. Müzakirələr çərçivəsində Azərbaycanla birgə layihələrimizdən biri olan terminalın genişləndirilməsi barədə razılıq əldə olunub”.

Məhəmməd İslaminin sözlərinə görə, Azərbaycan 7,5 saatlıq marşrutu 4 saata endirən Bakıdan Astaraya avtomagistral yol qurub. “Quru yolu Ərdəbil və Rəşt yollarına bağlanacaq. Çayın üstündə körpü tikməyə razılıq verilib və körpünün inşası iki ölkənin birgə səylərindən biridir”.

Nazir bildirib ki, Azərbaycanla mübadilə həcmi və əməkdaşlıq baxımından ciddi inkişaf müşahidə olunur. Astaraya daşınan yüklərin həcmi ötən illə müqayisədə 4 faiz artıb.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}