Nazir İlham Əliyevin İrana səfər anonsunu verdi
Tarix: 04-12-2019 18:10 | Bölmə: İqtisadiyyat
Nazir İlham Əliyevin İrana səfər anonsunu verdi

“2014-cü ildən bəri Azərbaycanla ticarət dövriyyəmiz 54 faiz artıb”.

Reyting.az
“IRIB”-ə istinadla xəbər verir ki, bunu Azərbaycan Baş nazirinin müavini Şahin Mustafayevlə görüşdən sonra İranın Sənaye naziri Rza Rəhmani bildirib.

Rza Rəhmani deyib: "İki ölkənin rəhbərləri ticarət və iqtisadi əlaqələrin inkişafını vurğulayırlar və indi iki ölkə arasında əlaqələrin genişlənməsi üçün qızıl bir fürsət var".

O əlavə edib: “Sənaye şəhərciyinin qurulması bu gün Azərbaycan Baş nazirinin müavini ilə apardığımız ən vacib müzakirələrdən biri idi. Sənaye şəhərciyi üçün münasib məntəqəni tapmaqdan ötrü indiyə qədər bir çox məsləhətləşmə və geniş tədqiqatlar aparılıb, lakin nəhayət, onun Ərdəbil vilayətində və İranla Azərbaycan arasındakı sərhəddə qurulması qərara alındı. Bu ortaq sənaye şəhərciyinin inşası iki ölkə arasında ticarət əlaqələrinin genişlənməsinə öz töhfəsini verəcək. İran və Azərbaycan iş adamlarını bu çərçivədə lazımi sərmayə qoymağa təşviq etməyə çalışmalıyıq”.

Rza Rəhmani iki ölkə arasında güzəştli tariflərin qurulmasının bu gün Azərbaycan tərəfi ilə müzakirə olunan məsələlərdən biri olduğunu, bu məsələdə yaxşı nəticələr əldə edildiyini və güzəştli tarif sazişlərinin Azərbaycan prezidentinin İrana növbəti səfəri ilə imzalanacağını deyib.

“Bu gün müzakirə edilən digər bir məsələ - İranın Azərbaycanla ticarəti genişləndirmək üçün Şimal-Cənub Dəhlizindən yetərincə istifadə imkanlar var”.

Sənaye naziri İranın istehsalı olan mal və əmtəələrin qonşu cənub ölkələrinə və əks istiqamətdə ixracında Azərbaycan Respublikasının mühüm rol oynaya biləcəyini söyləyib.

Öz növbəsində, Azərbaycan Baş nazirinin müavini Şahin Mustafayev bildirib: “İranla münasibətləri inkişaf etdirmək istəyirik. İranla bütün sahələrdə, o cümlədən siyasi, iqtisadi, enerji, nəqliyyat və ticarət sahəsində uğurlu münasibətlərimizi daha da inkişaf etdirməkdə maraqlıyıq".

Ş. Mustafayev əlavə edib: “Hazırda İran və Azərbaycan arasındakı münasibətlər çox uğurludur. Azərbaycan Respublikasında fəaliyyət göstərən İran şirkətlərinin sayı 1600-ə çatdı. 3 milyard dollar İranın bu ölkədəki investisiya həcmidir”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}