Azərbaycan AYİB-in ümumi investisiya siyahısında ön sıradadır
Tarix: 09-12-2019 08:49 | Bölmə: İqtisadiyyat
Azərbaycan AYİB-in ümumi investisiya siyahısında ön sıradadır

Azərbaycan 2018-ci ildə Avropa Yenidənqurma və İnkişaf Bankının (AYİB) ümumi investisiya həcmi üzrə siyahının ilk 10-luğunda yer alıb.

Reyting.az
-ın məlumatına görə, AYİB-in statistik təqdimatında bildirilir ki, Azərbaycan balans hesabatında AYİB tərəfindən ayrılan 304 milyon avro məbləğində investisiya ilə Serbiya (396 milyon avro), Özbəkistan (397 milyon avro) və Rumıniya (443 milyon avro) kimi ölkələrdən sonra 10-cu yerdə qərarlaşıb.

Bankın ən çox investisiya ayırdığı ölkələr isə Misir (1.148 milyard avro), Türkiyə (1.001 milyard avro) və Yunanıstan (846 milyon avro) olub.

Ümumiyyətlə, AYİB 2018-ci ildə 395 layihəyə 9,5 milyard avro ayırıb. Bunlardan bir milyard avro Trans-Anadolu qaz kəmərinin (TANAP) tikintisinin maliyyələşdirilməsinə yönəlib.

Qeyd edək ki, AYİB Azərbaycanda aparıcı investordur və bu günədək energetika, infrastruktur, bank işi, sənaye və kommersiya kimi sahələrə 3,3 milyard avroya yaxın investisiya ayırıb.(Trend)




Bölməyə aid digər xəbərlər
{sape_links}{sape_article}