Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi ilə bağlı 8 noyabr tarixində keçiriləcək növbəti hərracı elan edib.

Reyting.az saytı ƏMDK-ya istinadla xəbər verir ki, bu dəfə hərraca ümumilikdə 77 dövlət müəssisə və obyekti çıxarılıb. Bu dövlət əmlaklarının 26-ı özəlləşdirmə prosesi çərçivəsində yaradılmış və nizamnamə kapitalının nəzarət səhm paketinin 30-45 faizini təşkil edən açıq səhmdar cəmiyyətləridir.

Məlumata görə, hərraca çıxarılan səhmdar cəmiyyətlər sırasında pambıqçılıq, nəqliyyat, tikinti, emal və sair sahələrə aid müəssisələr var. Bunlar "Azinterservis”, "Lənkəran Taxıl”, "Ağcəbədi Pamıq”, "Biləsuvar Pambıq, "Zaqatala Sənaye”, "Bərdə Dəmir Beton-9” və digər müəssisələrdir.

Hərraca cıxarılan səhmdar cəmiyyətləri Bakı şəhəri ilə yanaşı, respublikanın müxtəlif bölgələrində yerləşir.

Həmçinin hərraca 51 kiçik dövlət müəssisə və obyekti də çıxarılıb.