“Kapital Bank” koronavirusla mübarizəyə 500 000 manat köçürüb
Tarix: 21-03-2020 17:22 | Bölmə: İqtisadiyyat
“Kapital Bank” koronavirusla mübarizəyə 500 000 manat köçürüb

“Kapital Bank” korporativ sosial məsuliyyət strategiyasına uyğun olaraq Koronavirusla (COVİD-19) Mübarizəyə Dəstək Fonduna vəsait ayırıb. Bank, Fondun hesabına virusla mübarizə məqsədilə 500 000 manat köçürüb.

Məlumat üçün bildirək ki, Azərbaycan Respublikası Prezidentinin 19 mart tarixli sərəncamı ilə yaradılmış Koronavirusla Mübarizəyə Dəstək Fondunun manat və xarici valyutalarda rekvizitləri açıqlanıb. Bir sıra iri holdinq və şirkətlər kimi “Kapital Bank” da müəyyən məbləği, qeyd olunan hesaba köçürtməyi özünə borc bilib.

Qeyd edək ki, “Kapital Bank” Kiçik və Orta Biznesin İnkişafı Agentliyinin (KOBİA) mikro, kiçik və orta sahibkarlara güzəştlər etmək çağırışına qoşulub. Virusun yaratdığı çətinlikləri nəzərə alaraq, sahibkarlara müxtəlif bank əməliyyatlarına güzəştlər tətbiq edilib. Artıq sahibkarlar Müştəri Bank vasitəsilə xarici ölkələrə olan köçürmələrini endirimli komissiyalarla icra edə bilirlər. Həmçinin də biznes kreditlərini tam komissiyasız rəsmiləşdirilir.

Bundan başqa, müştərilər “BirBank” mobil tətbiqi vasitəsilə evdən çıxmadan əksər bank xidmətlərini, həmçinin ödəniş və köçürmələrini öz smartfonları vasitəsilə həyata keçirə bilirlər. Həm “BirBank”, həm də “Müştəri Bank” 24/7 rejimində, fasiləsiz olaraq istifadəçilərin ixtiyarındadır.

Azərbaycanda ən böyük filial şəbəkəsinə malik olan “Kapital Bank”, 101 filialı və 14 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.скачать dle 10.5фильмы бесплатно




Bölməyə aid digər xəbərlər
{sape_links}{sape_article}