17:38 / 28-03-2024
Əməkdar artist vəfat edib
Azərbaycan neft hasilatının məhdudlaşdırılması öhdəliklərdən azaddır
Tarix: 31-03-2020 13:16 | Bölmə: İqtisadiyyat
Azərbaycan neft hasilatının məhdudlaşdırılması öhdəliklərdən azaddır

Aprelin 1-dən Azərbaycan neft hasilatının məhdudlaşdırılması ilə bağlı öhdəliklərdən azaddır.

Azərbaycan Energetika Nazirliyindən Reyting.az-a verilən məlumata görə, “OPEC plus” ölkələri üzrə gündəlik neft hasilatının 1,7 mln barrel azaldılması ilə bağlı 2019-cu ilin dekabrın 6-da imzalanmış “Əməkdaşlıq Bəyannaməsi”nin icrası bu gün başa çatır. Azərbaycan bu müddət ərzində “Əməkdaşlıq Bəyannaməsi” üzrə 27 min barrel həcmində öhdəliyini tam yerinə yetirib. Yanvar-mart aylarında ölkədə gündəlik neft hasilatı, təxminən, 754 min barrel olub. Azərbaycan neft istehsalını 2020-ci ilin planına və mövcud vəziyyətə uyğun həyata keçirəcək.

Azərbaycan qlobal neft bazarının sabitləşdirilməsinin tərəfdarıdır və bu məqsədlə “OPEC plus” ölkələri arasında uzlaşmanın əldə edilməsi üçün mart ayında aparılan məsləhətləşmələr prosesində yaxından iştirak edib. Bundan sonra da Azərbaycan “OPEC plus” formatında əməkdaşlığını neft istehsal edən ölkələr arasında Xartiya çərçivəsində davam etdirəcək.




Bölməyə aid digər xəbərlər
{sape_links}{sape_article}