ABŞ-dakı prezident seçkilərində Donald Trampın qalib gəlməsi dünyanın qlobal fong birjalarına ciddi təsir göstərib. Seçkinin nəticələri dünya birjalarında neft ucuzlaşmasına səbəb olub.

Məlumata görə, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 1,65 dollar azalaraq 43,33 dollar təşkil edib.

ICE London qitələrarası birjasında Brent markalı neftin 1 barelinin dəyəri isə 1,48 dollar azalaraq 44,56 dollar olub.

Neftin ucuzlaşmasına noyabrın 8-də ABŞ-da keçirilən prezident seçkilərinin ilkin nəticələrinə əsasən respublikaçı namizəd Donald Trampın liderliyi qoruyub saxlaması barədə məlumat səbəb olub.

Məlumatda bildirilir ki, Dow Jones indeksi 3,5%, S&P 500 4,26 və Nasdaq 4,1% geriləyib.

Asiya fong birjaları da günü xeyli zərərlə başa vurub.

Ekspertlər ehtimal edir ki, Trampın qələbəsi dolların əsas valyutalara (yapon ienası və Kanada dolları) qarşı ciddi ucuzlaşmasına və inkişaf etməkdə olan ölkələrin valyutasına qarşı isə ciddi bahalaşmasına səbəb ola bilər.